ஒன்டாரியோ காட்டுத்தீ புகை - கனடா–அமெரிக்கா இடையே புதிய அரசியல் சர்ச்சை!

கனடா

வடக்கு ஒன்டாரியோவில் பரவி வரும் காட்டுத்தீயின் புகை, கனடாவைத் தாண்டி அமெரிக்காவின் பல மாநிலங்களையும் பாதித்து வருகிறது.
இந்த நிலையில், அமெரிக்காவின் மிச்சிகன் மாநிலத்தைச் சேர்ந்த சில குடியரசுக் கட்சி (Republican) அரசியல்வாதிகள் கனடாவை கடுமையாக விமர்சித்துள்ளனர்.
ஒரு மாநில செனட்டர் தனது X பதிவில்,
“காட்டை எரியவிடுவது தீர்வு அல்ல. உங்கள் காடுகளை நிர்வகிக்க கற்றுக்கொள்ளுங்கள். இல்லையெனில் 51வது அமெரிக்க மாநிலமாகிவிடுவீர்கள்!”
என சர்ச்சைக்குரிய கருத்தை வெளியிட்டார்.
அதேபோல், மிச்சிகனைச் சேர்ந்த நான்கு காங்கிரஸ் உறுப்பினர்கள் பிரதமர் மார்க் கார்னிக்கு எழுதிய திறந்த கடிதத்தில்,
“மன்னிப்புகளை விட செயல்தான் தேவை” என்று வலியுறுத்தினர்.
இதற்கு பதிலளித்த பிரதமர் மார்க் கார்னி,

“காலநிலை மாற்றமும் காட்டுத்தீயும் கனடாவின் பிரச்சினை மட்டுமல்ல; இது எல்லைகளைத் தாண்டும் சவால். இதை எதிர்கொள்வது கனடாவுக்கும் அமெரிக்காவுக்கும் உள்ள கூட்டு பொறுப்பு.” என்று தெரிவித்தார்.