ரிபல் ஸ்டார் பிரபாஸ் பிறந்தநாள் - வரிசைகட்டி வெளியான பட அப்டேட்கள்
சினிமா
தெலுங்கில் முன்னணி ஹீரோவாக இருந்த வந்த பிரபாஸ் ராஜமௌலியின் பாகுபலி முதல் மற்றும் இரண்டாம் பாகங்களில் நடித்ததன் மூலம் பான் இந்தியா ஹீரோவாக உலகப் புகழ் பெற்றார்.
தொடர்ந்து அவர் நடித்த படங்கள் எதிர்ப்பார்த்த வெற்றியை பெறவில்லை. 'கல்கி 2898 AD' படம் மட்டும் விதிவிலக்காக வெற்றி பெற்றது.
இதனிடையே பிரபாஸ் 'கல்கி 2898 AD' பாகத்தில் நடித்து வருகிறார். அதேநேரம், பிரசாந்த் நீல் இயக்கத்தில் சலார் 2 படத்திலும் நடக்க உள்ளார்.
அனிமல் இயக்குனர் சந்தீப் ரெட்டி வாங்காவின் 'ஸ்பிரிட்' படத்திலும் நடிக்கிறார்.
மறுபுறம் 'சீதாராமம்' படத்தை இயக்கிய ஹனு ராகவ்புடி இயக்கத்தில் 'ஃபௌசி' என்ற படத்திலும் பிரபாஸ் நடித்து வருகிறார்.
இந்நிலையில் பிரபாஸ் பிறந்தநாளை முன்னிட்டு அவரின் படங்களின் அப்டேட்கள் அடுத்தடுத்து வெளியாகி ரசிகர்களை இன்ப பரவசத்தில் ஆழ்த்தியுள்ளது.
வரலாற்றுப் பின்னணியில் உருவாகும் ஃபௌசி படத்தின் புதிய போஸ்டரை, பிரபாஸ் பிறந்தநாளை முன்னிட்டு படக்குழு வெளியிட்டுள்ளது.
அதில் பிரபாஸ், ராணுவ வீரராக கம்பீரமாக காட்சி அளிக்கிறார். அவர் நடிக்கும் பாத்திரம் குறித்த வீடியோ விரைவில் வெளியாகும் என என்றும் படக்குழுவினர் அறிவித்துள்ளனர்.
