மின் கட்டண திருத்தம் தொடர்பான அரசாங்கத்தின் நிலைப்பாடு

இலங்கை

தற்போதைய சூழ்நிலையில் மின்சாரக் கட்டணங்களில் திருத்தம் மேற்கொள்ளாமல் பராமரிக்க எதிர்பார்ப்பதாக எரிசக்தி அமைச்சர் குமார ஜெயக்கொடி நாடாளுமன்றத்தில் தெரிவித்தார்.

களுத்துறை மாவட்ட நாடாளுமன்ற உறுப்பினர் அஜித் பி. பெரேரா எழுப்பிய கேள்விக்கு பதிலளிக்கும் போதே அமைச்சர் ஜெயக்கொடி இந்தக் கருத்தை வெளியிட்டார்.

சர்வதேச நாணய நிதியத்தின் (IMF) விருப்பத்திற்கு ஏற்ப எதிர்காலத்தில் மின்சாரக் கட்டணங்களை அதிகரிக்க அரசாங்கம் நடவடிக்கை எடுக்குமா என்று எம்.பி. பெரேரா கேள்வி எழுப்பினார்.

இதற்கு பதிலளித்த எரிசக்தி அமைச்சர், கட்டணங்களை அதிகரிக்கும் எண்ணம் அரசாங்கத்திற்கு இல்லை என்றாலும், நாட்டின் கடனை திருப்பிச் செலுத்துவதில் மின்சாரக் கட்டணங்கள் முக்கிய பங்கு வகிக்கின்றன என்றும் கூறினார்.