விடுதலை 2-ல் டைலாக் பேசாம காதலை சொன்ன விஜய் சேதுபதியின் ஆக்டிங்கை பார்த்து வியந்துட்டேன் - சூரி

சினிமா

இயக்குனர் வெற்றிமாறன் விடுதலை இரண்டாம் பாகத்தை இயக்கியுள்ளார். இதில் சூரி, விஜய் சேதுபதி, மஞ்சு வாரியர், அட்டக்கத்தி தினேஷ் ஆகியோர் நடித்துள்ளனர். 'விடுதலை 2' திரைப்படம் அடுத்த மாதம் 20-ந் தேதி வெளியாகவுள்ளது.

இந்நிலையில், 'விடுதலை 2' படத்தின் இசை மற்றும் டிரெய்லர் வெளியிட்டு விழா சென்னையில் நடைபெற்றது. படத்தின் டிரெய்லரை படக்குழு வெளியிட்டது. படத்தின் டிரெய்லர் காட்சிகள் மிகவும் விறுவிறுப்பாக அமைந்துள்ளது. இந்த பாகத்தில் விஜய் சேதுபதியின் இளம் வாழ்க்கையை காட்சி படுத்தியுள்ளனர். டிரெய்லர் காட்சிகள் சமூக வலைத்தளங்களில் வைரலாகி வருகிறது.

இந்நிகழ்ச்சியில் நடிகர் சூரி பேசியதாவது:- சேது மாமா ஐ லவ் யூ மாமா... படம் பார்த்துட்டேன். படம் பார்த்துவிட்டு சொன்னேன் காதல் காட்சி பண்ணியிருக்கார். வேற லெவல். அதாவது டைலாக் பேசி ஆக்ஷன் பண்ணி நடிச்சிடலாம். ஒரு பத்து செகண்ட் ஒரு லவ்வ வந்து லவ் பண்ணி நம்மள கட்டுப்படுத்துவது பெரிய விஷயம். ஆனா ஒரு சீன் முழுவதும் மஞ்சு மேம் மற்றும் மாமா சேர்ந்து டைலாக்கை பேசாம ஒரு லவ்வ எப்படி சொல்றது... என்ன உனக்கு புடிச்சிருக்கா என கேட்கறதுக்கு அவர் நடிச்சது மிகப்பெரிய ஆக்டிங் அது. அதைப் பாத்து வியந்துட்டேன். மஞ்சு வாரியரும் அவ்வளவு அற்புதமாக நடிச்சிருக்காங்க. லவ் யூ மாமா... மிகப்பெரிய இடத்தில இருக்க மாமா. இந்த படம் இன்னும் மேன்மேலும் மிகப்பெரிய நடிகனா கொண்டு போய் சேர்க்கும்னு நான் இறைவனை நம்புகிறேன். வாழ்த்துகள் மாமா.

அண்ணன் வெற்றிமாறன்... விடுதலைக்கு முன் சூரி, விடுதலைக்கு பின் சூரி அப்படி மாற்றி எழுதலாம். வெற்றிமாறன் என்ற யூனிவர்சிட்டில விடுதலைங்கற ஒரு டிகிரி படிச்சதுக்கு அப்புறம் தான் என்னோட வாழ்க்கையே மாறிடுச்சு. 'கருடன்', 'கொட்டுக்காளி' படத்தின் மூலம் எனக்கு வந்த பாராட்டுக்கெல்லாம் காரணம் வெற்றி சார்தான்" என்று பேசியிருக்கிறார்.

மீண்டும் இந்த விடுதலை படம் உங்க எல்லோருக்கும் திருப்திகரமான படமாக அமையம் என்பதை நம்புகிறேன் என்றார்.