புஷ்பா 2 திரைப்படத்தில் குத்தாட்டம் போட ரெடியாகிய ஸ்ரீலீலா

சினிமா

சுகுமார் இயக்கத்தில் அல்லு அர்ஜுன் நடிப்பில் கடந்த 2021-ம் ஆண்டு வெளியான படம் புஷ்பா. திரைப்படம் உலகமுழுவதும் மக்களிடம் பெரும் வரவேற்பை பெற்றது.

இதையடுத்து புஷ்பா படத்தின் இரண்டாவது பாகம் புஷ்பா 2 தி ரூல் என்ற பெயரில் உருவாகியுள்ளது. படத்தில் அல்லு அர்ஜுன் உடன் ராஷ்மிகா மந்தனா, பகத் பாசில் உள்பட பலர் நடித்துள்ளனர். படத்திற்கு தேவி ஸ்ரீ பிரசாத் இசையமைத்துள்ளார். படத்தின் சில பாடல்கள் வெளியாகி மக்களிடையே நல்ல வரவேற்பை பெற்றது.

புஷ்பா 2 திரைப்படம் வரும் டிசம்பர் 5 ஆம் தேதி வெளியாகவுள்ளது. இந்நிலையில் படத்தின் டிரைலர் விரைவில் வெளியாகும் என படக்குழு அறிவித்தது. புஷ்பா பாகம் 1-ல் சம்ந்தா ஆடிய ஊ சொல்றியா மாமா பாடலுக்கு தனி ரசிகர் பட்டாளமே இருக்கின்றனர். அதேப்போல் புஷ்பா 2 திரைப்படத்தில் நடிகை ஸ்ரீலீலா ஒரு பாடலுக்கு நடனம் ஆடவுள்ளதாக தகவல் வெளியானது. சில நாட்களுக்கு முன் அவர் ஆடும் ஒரு புகைப்படம் இணையத்தில் லீக் ஆனது. தற்பொழுது அதனை உறுதிப்படுத்தும் வகையில் ஸ்ரீலீலா கிசிக் என்ற பாடலுக்கு நடனமாடவுள்ளார் என படக்குழு அதிகாரப்பூர்வமாக போஸ்டர் வெளியிட்டு அறிவித்துள்ளது.

இதில் ஸ்ரீலீலா கருப்பு நிற கவர்ச்சி உடை அணிந்து உள்ளார். இந்த போஸ்டர் தற்பொழுது இணையத்தில் வைரலாகி வருகிறது.