படிக்கட்டு சுவர் என்பது பெரும்பாலான வீடுகளில் வெறுமையாக விடப்படும் ஒரு இடம்

நாம் பொதுவாக வீடுகளில் சுவர் ஓரம் கைப்பிடி அமைப்பதில்லை, இது போல டூப்ளெக்ஸ் படிகளில் இப்படி புத்தக அலமாரி அமைக்கலாம், படிகளை அதன் லேண்டிங்கை படிப்பகமாக மாற்றலாம் , இன்று இடம் பற்றாகுறையால் புத்தகங்கள் வாங்குவதில்லை,உள்ள புத்தகங்களை பிரித்து கூட பார்ப்பதில்லை, அவர்களுக்கு மிகவும் பயனளிக்கும் .
அந்த சாய்வான சுவரை ஒரு அழகான நூலகமாக மாற்ற இது ஒரு எளிய யோசனை, ஒரு மர ஏணியை புத்தக அலமாரியாக பயன்படுத்துவது.
 பயன்படுத்தாமல் கிடக்கும் பழைய ஏணிக்கு புதிய வாழ்க்கை கொடுக்கும் இந்த அலங்கார முறை, இடத்தை மிச்சப்படுத்துவதோடு வீட்டிற்கு ஒரு வித்தியாசமான கலைத்தன்மையையும் சேர்க்கிறது.
இதன் வடிவமைப்பு மிகவும் புத்திசாலித்தனமானது. ஏணி படிக்கட்டின் சாய்வுக்கு இணையாக சுவரில் பொருத்தப்படுகிறது. 
இரண்டு மூன்று உறுதியான இரும்பு பிராக்கெட்டுகள் மூலம் சுவரில் தாங்கப்படும் ஏணியின் நீளமான இரண்டு கால்களும் புத்தகங்களை தாங்கும் பக்க சட்டங்களாக மாறிவிடுகின்றன.
 ஒவ்வொரு படியும் புத்தகங்கள் சரியாமல் இருக்க ஒரு இயற்கையான தடுப்பாக செயல்படுகிறது. இதனால் கூடுதல் பலகைகள் எதுவும் தேவையில்லை. 
புத்தகங்கள் ஏணிக்குள்ளேயே நேரடியாக அடுக்கப்படுவதால், அவை சுவரில் மிதப்பது போல் தோன்றும் ஒரு அழகான தோற்றம் கிடைக்கிறது.

இது ஒரு சேமிப்பு தீர்வு மட்டுமல்ல, ஒரு அலங்கார அம்சமும் கூட. 
வெள்ளை நிற சுவரில் கருமையான வால்நட் நிற ஏணியும், அதனுள் வண்ணமயமான புத்தகங்களும் இருக்கும்போது, அந்த இடமே ஒரு கலைப் படைப்பாக மாறிவிடுகிறது. 
படிக்கட்டில் ஏறி இறங்கும் ஒவ்வொரு முறையும் ஒரு சிறிய நூலகத்தை கடந்து செல்லும் உணர்வை தருகிறது. புத்தகங்களை வகை வாரியாகவோ அல்லது நிறங்களின் அடிப்படையிலோ அடுக்கலாம். 
இடையிடையே சிறிய தொட்டி செடிகள் அல்லது சிறு நினைவு பொருட்களை வைப்பது கூடுதல் அழகு சேர்க்கும்.
இதை அமைக்கும்போது உறுதித்தன்மை மிக முக்கியம். நல்ல தரமான, பூச்சி அரிக்காத பைன்வுட் போன்ற மரத்தால் ஆன ஏணியை தேர்ந்தெடுக்க வேண்டும். 
புத்தகங்களின் எடை அதிகம் என்பதால், சுவரில் ஆழமான ஸ்க்ரூக்கள் மூலம் பிராக்கெட்டுகளை உறுதியாக பொருத்த வேண்டும்.
புத்தகங்களை மிகவும் இறுக்கமாக திணிக்காமல் சற்று தளர்வாக அடுக்குவது ஏணிக்கு அழுத்தம் குறைவாக இருக்கும். இது குறைந்த செலவில், குறைந்த இடத்தில், அதிக அழகை தரும் ஒரு நிலையான உள் அலங்கார யோசனை.

 

Geethappriyan Karthikeyan