நவீனமயமாக்கப்படும் ஹிங்குறாங்கொட ரயில் நிலையம்

இலங்கை

நாடு முழுவதும் உள்ள 100 ரயில் நிலையங்களில் வசதிகளை மேம்படுத்தும் திட்டத்தின் கீழ், பொலன்னறுவை மாவட்டத்தில் உள்ள ஹிங்குறாங்கொட ரயில் நிலையத்தை நவீனமயமாக்கும் பணிகள் தொடங்கப்பட்டுள்ளன.

இத்திட்டம் தேசிய அளவிலான “க்ளீன் ஸ்ரீலங்கா ” (Clean Sri Lanka) திட்டத்தின் கீழ், பொது-தனியார் கூட்டு முயற்சியாகச் செயல்படுத்தப்படுகிறது. இலங்கைபோக்குவரத்து

போக்குவரத்து, நெடுஞ்சாலைகள் மற்றும் நகர அபிவிருத்தி அமைச்சர் பிமல் ரத்நாயக்கவின் தலைமையில், பொது மற்றும் தனியார் துறைப் பிரதிநிதிகளின் பங்கேற்புடன் இத்திட்டத்தின் அதிகாரப்பூர்வத் தொடக்க விழா நடைபெற்றது.

கிழக்கு ரயில் பாதையில் கல் ஓயா மற்றும் பொலன்னறுவை ரயில் நிலையங்களுக்கு இடையே அமைந்துள்ள ஹிங்குறாங்கொட  ரயில் நிலையம், தற்போது மிகக் குறைந்த வசதிகளுடனேயே இயங்கி வருகிறது.

கடந்த 45 ஆண்டுகளாக இங்கு குறிப்பிடத்தக்க மேம்பாட்டுப் பணிகள் எதுவும் மேற்கொள்ளப்படவில்லை.

இந்த ரயில் நிலையம் பயணிகளால் மட்டுமல்லாது, பல்வேறு விவசாயப் பொருட்களைக் கொண்டு செல்வதற்கும் பெருமளவில் பயன்படுத்தப்படுகிறது. சுமார் 40 மில்லியன் ரூபாய் மதிப்பீட்டில் இந்த நவீனமயமாக்கல் திட்டம் செயல்படுத்தப்படுகிறது.