FIFA உலகக் கோப்பை 2026 - நோரா பதேஹியை விமர்சித்த கனேடியப் பெண்
கனடாவில் நடைபெற்ற பிஃபா (FIFA) உலகக் கோப்பை 2026 தொடக்க விழாவில், இந்தியத் திரைப்படத் துறையைச் சேர்ந்த நடிகை நோரா பதேஹி (Nora Fatehi) பங்கேற்றதை விமர்சித்து, கனேடியப் பெண் ஒருவர் வெளியிட்ட காணொளி சமூக வலைதளங்களில் பெரும் விவாதத்தை ஏற்படுத்தியுள்ளது.
ஜூன் 12 அன்று, பிஃபா உலகக் கோப்பை தொடரின் தொடக்க விழா கனடாவின் பி.எம்.ஓ. (BMO) அரங்கில் நடைபெற்றது. இதில், நோரா பதேஹி தனது புகழ்பெற்ற ‘சிர் சிர்’ (SIIR SIIR) பாடலுக்கு டி.ஜே. சஞ்சய் மற்றும் பிரெஞ்சு பாடகர் வெஜிட்ரீமுடன் இணைந்து நடனமாடினார்.
இது தொடர்பான வீடியோவைச் சுட்டிக்காட்டிய கனேடியப் பெண் ஒருவர், மிகுந்த ஆத்திரத்துடன், “இது கனடாவின் தொடக்க விழா எப்படி ஆகும் என்று யாராவது எனக்கு விளக்க முடியுமா?” எனக் கேள்வி எழுப்பினார்.
மேலும் அவர், “நான் கடைசியாகச் சரிபார்த்தபோது நாங்கள் கனேடியர்கள். நாங்கள் இந்தியர்கள் அல்ல இது ஆங்கிலம் அல்ல; நாங்கள் பஞ்சாபி பேசுவதில்லை. இது கனடா, இதில் எப்படி இவர்களது நிகழ்ச்சி இடம் பெறலாம்?” என்று ஆக்ரோஷமாகப் பேசியிருந்தார்.
4 லட்சத்திற்கும் அதிகமான பார்வைகளைப் பெற்ற இந்த வீடியோவுக்கு, இணையவாசிகள் தகுந்த பதிலடி கொடுத்து வருகின்றனர்.
அந்தவகையில் நோரா பதேஹி உண்மையில் இந்தியர் அல்ல, அவர் மொராக்கோ வம்சாவளியைச் சேர்ந்த ஒரு கனேடியர் என்பதையும், தற்செயலாகவே அவர் இந்தியத் திரைப்படத் துறையில் பணிபுரிகிறார் என்பதையும் பலரும் அவருக்குச் சுட்டிக்காட்டினர்.
