யாழ்ப்பாணம் வடமராட்சி கிழக்கு பகுதியில் சீரற்ற காலநிலை

இலங்கை

யாழ்ப்பாணம் வடமராட்சி கிழக்கு பகுதியில் சீரற்ற கால நிலை தொடர்ந்து வருவதால் வடமராட்சி கிழக்கின் பல பகுதிகளுக்கும் மழை பெய்து வருகிறது

இந்நிலையில் வடமராட்சி கிழக்கு உடுத்துறை பகுதியில் பல இடங்களில் வெள்ள நீர் தேங்கியுள்ளதை அவதானிக்க முடிவதுடன் மீனவர்கள் தமது உடமைகளையும் பாதுகாப்பான இடத்திற்கு நகர்த்தியுள்ளனர்

வெள்ள நீர் வீடுகளுக்குள் புகுந்துள்ளதால் மக்கள் பாதுகாப்பான இடம் நோக்கி சென்றுள்ளனர்

மறு அறிவித்தல் வரை மீன்பிடி நடவடிக்கைகளுக்காக கடலுக்கு செல்ல வேண்டாமெனவும் அறிவிக்கப்பட்டுள்ளது

யாழ்ப்பாணம் வடமராட்சி கிழக்கு கட்டைக்காட்டு பகுதியில் தொடர் மழை பெய்துவருவதால் பல குடும்பங்கள் பாதிப்படைந்துள்ளன

குறித்த பகுதியில் கடும் காற்றுடன் மழை தொடர்ந்து பெய்துவருவதால் வீடுகளுக்குள் மழை வெள்ளம் புகுந்துள்ளது

அப்பகுதியில் வசிக்கும் பல குடும்பங்கள் இடம்பெயர்ந்துள்ளதுடன் வெள்ளத்தால் பாதிக்கப்பட்ட பகுதிகளை அப்பகுதி கிராம அலுவலர் பார்வையிட்டு வருகின்றார்

கடும் குளிர் காற்று வீசுவதால் குழந்தைகளுடன் இருப்பவர்கள் மிகவும் மோசமாக பாதிப்படைந்துள்ளதாக அங்கிருந்துவரும் செய்திகள் தெரிவிக்கின்றன.