வால்கட்டு என்றால் என்ன?

இலங்கை

இரணைமடுக்குளத்தின் வால்கட்டு பகுதி வெட்டப்படுகின்றது. என்ற செய்தி வந்த பொழுதுதான் முதன் முதலாக இந்தச் சொல்லையே பலர் அறிந்திருக்கின்றோம். புதியதொரு சொல்லாக இருக்கின்றதே, யாரோ புதிய சொல்லை உருவாக்கி இந்த இடர்காலத்தில் புழக்கத்தில் விட்டுள்ளார்களோ என அது பற்றித் தேடியதில் கிடைத்த விபரங்கள் இதோ.
வால்கட்டு வெட்டுதல் என்பது அணை அல்லது நீர்தேக்கங்களில், நீர் அதிகமாகும்போது அதை பாதுகாப்பாக வெளியேற்ற பயன்படுத்தப்படும் முறை.
சுருக்கமாகச் சொல்வதானால் அணையின் கொள்ளளவு அதிகரித்தால், அணை சேதமடையாமல் இருக்க நீரை கட்டுப்படுத்தி வெளியேற்றும் பகுதி, இதுவே வால்கட்டு.

திடீர் வெள்ளத்தைக் கட்டுப்படுத்த உதவுகிறது.
“வால்கட்டு” என்பது தமிழ் மொழியில் கட்டிடக்கலை, நீர்ப்பாசனத் தொழில்நுட்பம், பாரம்பரிய நீர்ப்பாசன அமைப்புகள் போன்றவற்றில் பல தசாப்தங்களாகப் பயன்படுத்தப்பட்டுவரும் சொல்.
இலங்கை மற்றும் தென்னிந்தியா இரண்டிலும் அணைகள், குளங்கள், ஏரிகள் தொடர்பான அரசுத் துறைகளில் இந்தச் சொல் அதிகாரப்பூர்வமாகப் பயன்படுகிறது.

 

Vasakan Keetha