முதல் மரியாதை படத்தைப் பற்றி பலரும் அறியாத விஷயங்கள்!

சினிமா

தலக்காடு கர்நாடக மாநிலத்தில் உள்ள மைசூருக்கு அருகில் உள்ள இந்த கிராமத்தில் தான் இத்திரைப்படத்தின் படப்பிடிப்பு நடந்தது.

சிறந்த கதை, திரைக்கதை, இயக்கம், இசை, ஒளிப்பதிவு, பாடல்கள், நடிப்பு கொண்ட மிகச் சிறந்தத் திரைப்படம் " முதல் மரியாதை ".

இப்படத்தைப் பற்றிய மேலும் சில சுவாரசியமான தகவல்கள்:

இப்படத்தில் முதலில் கதாநாயகனாக மறைந்த திரு. ராஜேஷ் அல்லது மறைந்த பாடகர் திரு.S.P.பாலசுப்பிரமணியம் அவர்களே நடிப்பதாக இருந்தது.

சிவாஜியே தான் கைகட்டி வேல பார்த்தது உன்கிட்ட தான் என கூறியதாக ஒரு பேட்டியில் திரு. பாரதிராஜா கூறுயிருக்கிறார்‌.

காதிற்கினிய மிகச்சிறந்த பாடல்களை இப்படத்தில் கொடுத்த இளையராஜா அவர்களுக்கு இசையமைத்தபோது இப்படம் பிடிக்கவில்லை என்றார்.

40 வருட வயது வித்தியாசமுள்ள தஷ்தாவெஷ்கி எனும் எழுத்தாளரின் எழுத்தில் மயங்கிய அன்னா எனும் பெண்ணின் காதல் தான் இப்பட கதையின் அடிநாதம் என்கிறார் கதாசிரியர் திரு. செல்வராஜ்.

நடிகை ராதிகா நடிப்பதற்கு முடியாமல் போகவே நடிகை ராதா நடித்தார். பின்னர் இப்படத்தில் ராதாவுக்கு பின்னணிக் குரல் கொடுத்தார் நடிகை ராதிகா.

ராதிகா. அவர், அப்போது, "சுவாதிமுத்யம்" என்ற தெலுங்குப்படத்தில் நடித்துவந்ததால், இதில் நடிக்கவில்லை. எனினும், ராதாவிற்கு, இப்படத்தில் பின்னணி குரல்கொடுத்தவர் ராதிகாதான். நடிகை ராதா, இப்படத்தில் சிறப்பாக நடித்ததற்கான தேசியவிருதை, மயிரிழையில் தவறவிட்டதற்கு, இதுவும் ஒரு காரணமாக அமைந்தது.

முதல்மரியாதை படம்தான் வைரமுத்துவிற்கு, சிறந்த பாடலாசிரியருக்கான தேசியவிருதை, முதன்முதலில் பெற்றுத்தந்தது. பாடல் "வெட்டிவேரு வாசம்" என்றபாடலாகும். தவிர, சிறந்த வட்டாரத்திரைப்படத்திற்கான தேசிய வெண்தாமரை விருதையும் இப்படம் பெற்றது. 33வது பிலிம்பேர் விருதுகள், இப்படத்தில் பிரதான வேடங்களில் நடித்த சிவாஜிகணேசன்−ராதா ஆகியோருக்கு வழங்கப்பட்டன.

இப்படத்தில் நடிக்கும்போது நடிகை வடிவுக்கரசிக்கு வயது 23 தான். அதற்கு 3 ஆண்டுகள் முன் வா கண்ணா வா படத்தில் சிவாஜிக்கு மகளாக நடித்தவர். சிவாஜியுடன் கதாநாயகி வேடம் என்பதால் சம்மதித்தவருக்கு வசனங்களை படித்ததும் ஏமாற்றப்பட்டதாகவே நினைத்தார், அவரது நடிப்பையும் கதாப்பாத்திரத்தையும் மக்கள் புகழ்ந்து பேசும் வரை.
இப்படம் வெளியாகி 35 வருடங்கள் ஆனாலும் இன்றும் தொலைக்காட்சியில் ஒளிபரப்பப் பட்டால் இதைக் கண்டு ரசிக்கும் ரசிகர்கள் இருக்கத் தான் செய்கிறார்கள்.

 - பிரசாந்த்!