இலங்கையில் நிலவும் மோசமான காலநிலை - வெளிநாட்டினருக்கு விசேட அறிவிப்பு

இலங்கை

இலங்கையில் நிலவும் மோசமான காலநிலையால் பாதிக்கப்பட்ட வெளிநாட்டினருக்கான சிறப்பு விசா வசதி நடவடிக்கைகளை குடிவரவு மற்றும் குடியகல்வு திணைக்களம் அறிவித்துள்ளது.

அதாவது, காலநிலை பிரச்சினை தொடர்பில் வெளிநாட்டினரின் விமானங்கள் இரத்து செய்யப்பட்டிருக்கலாம் அல்லது கட்டுநாயக்க விமான நிலையத்துக்கு செல்வதற்கான வாய்ப்பு இந்த மூன்று நாட்களுக்குள் இல்லாமல் இருக்கலாம், அல்லது விசாவுக்கான கால அவகாசம் நிறைவடைந்திருக்கலாம்.

இதுபோன்ற காரணத்தினால் 7 நாட்கள் இலங்கையில் தங்கியிருக்கக்கூடிய வசதி வழங்கப்பட்டிருக்கிறது.

அதற்கு எந்தவிதமான தண்டப் பணமும் அறவிடப்பட மாட்டாது. அதன்பிறகு குறுகிய மற்றும் நீண்ட கால விசாக்களை பெற்றுக்கொள்ளலாம்.

எனவே இந்த 7 நாட்கள் நாட்டில் தங்கியிருப்பதற்கு எந்தவித தண்டப்பணமும் செலுத்தாது உங்களுக்குரிய நாடுகளுக்கு புறப்பட்டுச் செல்லலாம் எனத் தெரிவிக்கப்பட்டுள்ளது.