கலாவெவ பாலத்தின் மேல் சுமார் 60 பயணிகளுடன் சிக்கிய பேருந்து- மீட்பு பணிகள் தீவிரம்
இலங்கை
அநுராதபுரம் – புத்தளம் வீதியில் கலாவெவ பாலத்தின் மேல் 60 பயணிகளுடன் பேருந்து ஒன்று சிக்கியுள்ளது.
குறித்த பேருந்து சுமார் ஒன்றரை மணித்தியாலங்கள் அதே இடத்தில் நிற்பதாக இன்று (28) நாடாளுமன்றத்தில் நாடாளுமன்ற உறுப்பினர் அஜித் பி. பெரேரா தெரிவித்தார்.
இதேவேளை, குறித்த பேருந்திற்கு செல்ல வேண்டாம் என்று அறிவுறுத்தப்பட்டிருந்தும்,அதனை பொருட்படுத்தாது சென்று சிக்கியுள்ளது எனவும் அங்கு 60 பேர் இருப்பதாகவே தகவல் கிடைத்துள்ளது எனவும் தற்போது 2 இராணுவப் பிரிவுகள் களத்தில் மீட்பு பணியில் செயல்படுவதாகவும் ஒரு ஹெலிகொப்டரை அழைக்கவிருப்பதாகவும் நீதி அமைச்சர் ஹர்ஷன நாணயக்கார தெரிவித்துள்ளார்.
மேலும் குறித்த பேருந்தில் இருந்து கடற்படையின் படகு மூலம் இதுவரை 6 பேர் மீட்கப்பட்டுள்ளதாகத் தெரிவித்தார்.






















