கவின் நடிக்கும் KISS படத்தின் திருடி பாடல் வெளியானது

சினிமா

தமிழ் திரையுலகின் முன்னணி நடன இயக்குனர் சதீஷ். இவர் முதல் முறையாக இயக்குனராக அறிமுகமாகும் திரைப்படம் கிஸ்.

டாடா மற்றும் ப்ளடி பெக்கர் திரைப்படத்தின் வெற்றியை தொடர்ந்து கவின் இப்படத்தில் கதாநாயகனாக நடித்துள்ளார்.

இப்படத்தில் அயோத்தி பட நாயகி ப்ரீத்தி அஸ்ரானி கதாநாயகியாக நடிக்க ரோமியோ பிக்சர்ஸ் ராகுல் தயாரித்துள்ளார்.

இப்படத்திற்கு ஹரீஷ் ஒளிப்பதிவு செய்ய, படத்தொகுப்பை ஆர்சி பிரனவ் கவனிக்கிறார். படத்தின் இசையை ஜென் மார்டின் மேற்கொள்கிறார்.

இத்திரைப்படம் ஒரு ரோம் - காம் கதையம்சத்தில் உருவாகியுள்ளது . கிஸ் படத்தின் டீசர் சில மாதங்களுக்கு முன் வெளியாகி மக்கள் மத்தியில் வரவேற்பை பெற்றது.

இந்த படத்தின் முதல் பாடலின் ப்ரோமோ வீடியோவை படக்குழு சமீபத்தில் வெளியிட்டது. முதல் பாடல் இன்று வெளியாகும் என தெரிவித்திருந்தனர்.

இந்நிலையில், கிஸ் படத்தின் முதல் பாடலான "திருடி" இன்று வெளியானது. இப்பாடலை அனிருத் பாடியுள்ளார் என்பது குறிப்பிடத்தக்கது.