குட் பேட் அக்லி டிரெய்லர் 24 மணி நேரத்தில் 32 மில்லியன் பார்வைகளை கடந்து சாதனை

சினிமா

நடிகர் அஜித் குமார் மற்றும் இயக்குநர் ஆதிக் ரவிச்சந்திரன் கூட்டணியில் உருவாகி இருக்கும் திரைப்படம் குட் பேட் அக்லி. இந்தப் படத்தில் அஜித் குமாருடன் திரிஷா, பிரசன்னா, சுனில், அர்ஜுன் தாஸ், பிரபு உள்ளிட்ட பலரும் முக்கிய கதாபாத்திரங்களில் நடித்துள்ளனர்.

மைத்ரி மூவி மேக்கர்ஸ் நிறுவனம் தயாரித்துள்ள இந்தப் படத்திற்கு ஜி.வி. பிரகாஷ் இசையமைத்துள்ளார். 'குட்பேட் அக்லி' திரைப்படம் வருகிற ஏப்ரல் மாதம் 10-ம் தேதி வெளியாகவுள்ளது.

இப்படத்தின் டிரெய்லர் நேற்று முன்தினம் வெளியானது. இந்நிலையில், 'குட் பேட் அக்லி' திரைப்படத்தின் டிரெய்லர் 24 மணி நேரத்தில் 32 மில்லியன் பார்வைகளை கடந்து புதிய சாதனையை படைத்துள்ளது.

தற்போது வரை 38 மில்லியன் பார்வைகளை கடந்துள்ள குட் பேட் அக்லி டிரெய்லர் விரைவில் 50 மில்லியன் பார்வைகளை கடக்கும் என்று எதிர்பார்க்கப்படுகிறது.