ஹட்டனில் முச்சக்கர வண்டி விபத்து - இருவர் வைத்தியசாலையில் அனுமதி

இலங்கை

ஹட்டனில் இருந்து வட்டவளை மவுண்ட்ஜீன் தோட்டத்திற்குச் சென்ற முச்சக்கர வண்டி ஒன்று வீதியை விட்டு விலகி சுமார் 30 அடி பள்ளத்தாக்கில் விழுந்து விபத்துக்குள்ளாகியதில் முச்சக்கரவண்டியின் சாரதியும், பயணி ஒருவரும் படுகாயமடைந்து நாவலப்பிட்டி பொது வைத்தியசாலையில் சேர்க்கப்பட்டுள்ளனர்.

ஹட்டன் – கொழும்பு பிரதான வீதியில், வட்டவளை குயில்வத்தை எரிபொருள் நிரப்பும் நிலையத்திற்கு அருகிலேயே நேற்று இந்த விபத்து நேர்ந்துள்ளது.

இவ் விபத்து குறித்து விசாரணை மேற்கொண்ட வட்டவளை பொலிஸ் அதிகாரிகள், அதிகவேகமாக  முச்சக்கரவண்டியை செலுத்தியமையே இவ்விபத்துக்கான காரணம் எனத் தெரிவித்துள்ளனர்.

இவ் விபத்தில் முச்சக்கரவண்டி பெரும் சேதமடைந்துள்ள நிலையில், இது  குறித்த மேலதிக விசாரணைகளை வட்டவளை பொலிஸார் முன்னெடுத்து வருகின்றனர் என்பதும் குறிப்பிடத்த்ககது.