என் உலகம் என்ன சுத்தி நொறுங்கிட்டு இருக்கு - அஜித் நடித்த விடாமுயற்சி படத்தின் டிரெய்லர் வெளியானது

சினிமா

நடிகர் அஜித் குமார் மற்றும் இயக்குநர் மகிழ் திருமேனி கூட்டணியில் உருவாகி இருக்கும் திரைப்படம் "விடாமுயற்சி." இந்தப் படத்தில் அஜித் குமாருடன், ஆரவ், அர்ஜுன், திரிஷா, ரெஜினா கசான்ட்ரா, நிகில் நாயர் மற்றும் பலர் நடித்துள்ளனர். இந்த படத்திற்கு அனிருத் இசையமைத்துள்ளார்.

ஒளிப்பதிவு பணிகளை ஓம் பிரகாஷ் மேற்கொள்ள, படத்தொகுப்பு பணிகளை என்.பி. ஸ்ரீகாந்த் மேற்கொண்டுள்ளார். லைகா நிறுவனம் இப்படத்தை தயாரித்துள்ளது.இப்படம் பொங்கலுக்கு வெளியாகும் என ரசிகர்களால் பெரிதும் எதிர்பார்க்கப்பட்ட நிலையில், தவிர்க்க முடியாத காரணங்களால் படத்தை வெளியிட முடியவில்லை என்று தயாரிப்பு நிறுவனம் தெரிவித்தது.

இதனால் ரசிகர்கள் ஏமாற்றம் அடைந்தனர். திரைப்படம் பிப்ரவரி 6 ஆம் தேதி வெளியாகும் என படக்குழு அறிவித்துள்ளது.

விடாமுயற்சி படத்தின் டிரெய்லர் தற்பொழுது வெளியாகியுள்ளது. டிரெய்லர் காட்சிகள் மிகவும் ஆக்ஷன் கலந்து மிகவும் சுவாரசியமாக இருக்கிறது. டிரெய்லர் காட்சிகள் இணையத்தில் வைரலாகி வருகிறது. அஜித் ரசிகர்கள் மிகவும் உற்சாகத்தில் உள்ளனர்.