உலக பத்திரிகை புகைப்பட கண்காட்சி நாளை கொழும்பில் ஆரம்பம்

இலங்கை

இரண்டு தசாப்தங்களுக்கு பின்னர் முதன்முதலில் இலங்கையில் நடைபெறவுள்ள உலக பத்திரிகை புகைப்பட கண்காட்சி நாளை கொழும்பில் ஆரம்பமாகவுள்ளது.

2024 ஆம் ஆண்டுக்கான உலக பத்திரிகை புகைப்பட கண்காட்சியை இலங்கை பத்திரிகை ஸ்தாபனம் நெதர்லாந்து தூதரகத்துடன் இணைந்து நடத்துகிறது.

கொழும்பில் சுதந்திர சதுக்கத்தில் நாளை 10 ஆம் திகதி முதல் 20 ஆம் திகதி வரை காலை 10.30 மணி முதல் இரவு 7.00 மணி வரை பார்வை கட்டணமின்றி இலவசமாக பார்வையிடலாம்.

இதேவேளை, கொழும்பில் சினமன் லைப் ஹோட்டலில் பெப்ரவரி மாதம் 8 ஆம் திகதி முதல் 10 ஆம் திகதி வரை காலை 10.30 மணி முதல் இரவு 7.00 மணி வரை பார்வை கட்டணமின்றி இலவசமாக பார்வையிடலாம்.

அத்துடன் யாழ்ப்பாணத்தில் கலாசார மண்டபத்தில் இம்மாதம் 24 ஆம் திகதி முதல் 27 ஆம் திகதி வரையும், காலியில் மாநகர சபையில் இம்மாதம் 31 ஆம் திகதி முதல் பெப்ரவரி மாதம் 02 ஆம் திகதி வரை கண்காட்சியை இலவசமாக பார்வையிடலாம்.

இலங்கையில் நடத்தப்படும் 2024 ஆம் ஆண்டுக்கான உலக பத்திரிகை புகைப்பட கண்காட்சி தொடர்பாக விளக்கமளிக்கும் ஊடக சந்திப்பு நேற்று கொழும்பிலுள்ள சினமன் லைப் ஹோட்டலில் நடைபெற்றது.

மேலும் 2025 ஆம் ஆண்டுக்கான உலக பத்திரிகை புகைப்படப் போட்டிக்கு இம்மாதம் ஆம் 10 ஆம் திகதி வரை விண்ணப்பிக் https://www.worldpressphoto.org/contest/2025 இணையத்தளத்தை பார்வையிடலாம் எனவும்

2024 ஆம் ஆண்டுக்கான உலக பத்திரிகை புகைப்படப் போட்டி வெற்றி பெற்ற புகைப்படங்களைப் பார்வையிட உலகளாவிய ரீதியில் புகைப்பட கண்காட்சி நடத்தப்படுகின்றமை குறிப்பிடத்தக்கது.