ஸ்டுடியோ க்ரீன், ஞானவேல்ராஜா தயாரிப்பில் சிறுத்தை சிவா இயக்கத்தில் நடிகர்கள் சூர்யா, திஷா பதானி உள்ளிட்டப் பலர் நடித்திருக்கும் 'கங்குவா' திரைப்படம் நவம்பர் 14ஆம் தேதி திரையரங்குகளில் வெளியாகிறது. படத்தின் 3டி டிரைலர் வெளியீட்டு விழா நேற்று சென்னையில் நடைப்பெற்றது அதை தொடர்ந்து ஐதரபாத்தில் படக்குழு ப்ரோமோஷன் நிகழ்ச்சியில் கலந்துக் கொண்டனர்.

இவ்விழாவில் சிறப்பு விருந்தினராக இயக்குனர் ராஜமௌலி கலந்துக்கொண்டு படக்குழுவை வாழ்த்தினார். அப்பொழுது விழாவில் சூர்யா பேசியதாவது " குடும்பத்தில் மூத்தவன் நன்றாக இருந்தால் மொத்த குடும்பமே செல்வ செழிப்போடு இருக்கும் அதுப்போல நீங்கள் மொத்த திரைத்துறை குடும்பத்துக்கும் வழிக்காட்டியுள்ளீர்கள். உங்களுடன் என்னுடைய பயணம் நீண்ட வருடங்களுக்கு முன் தொடங்கியது. வெக்கத்தை விட்டு சொல்கிறேன் உங்களுடன் பணியாற்றும் வாய்ப்பை இழந்துள்ளேன். வாய்ப்பை எந்த இடத்தில் விட்டேனோ அதே இடத்தில்தான் இன்னும் நான் நின்று கொண்டு இருக்கிறேன். ஒரு நாள் மீண்டும் அந்த வாய்ப்பு கிடைக்கும் என நம்புகிறேன்." என கூறினார்.

அதற்கு பதிலளிக்கும் விதமாக ராஜமௌலி " நீங்கள் தான் சூர்யா பான் இந்திய திரைப்படமான பாகுபலி உருவாகுவதற்கு காரணம். ஆம் சூர்யாவும் நானும் ஒரு திரைப்படம் பணியாற்ற இருந்தது ஆனால் அது நடக்கவில்லை. சூர்யா என்னுடன் இணைந்து பணியாற்றும் வாய்ப்பை அவர் இழந்ததாக கூறினார். ஆனால் உண்மையில் வாய்ப்பை இழந்தது நான் தான். சூர்யாவின் நடிப்பு திறமை, என அனைத்தும் பிடிக்கும். சூர்யா உங்களுடைய முடிவை நான் மிகவும் மதிக்கிறேன். அன்று நீங்கள் ஒரு கதையாசிரியரை தாண்டி ஒரு நல்ல கதையை தேர்தெடுத்து நடிக்க சென்றீர்கள்" என்று கூறினார்.