தமிழ் திரையுலகின் முன்னணி நடிகர் தனுஷ். இவர் நடித்து, இயக்கி வெளியான ராயன் திரைப்படம் ரசிகர்கள் மத்தியில் நல்ல வரவேற்பை பெற்றது.

ராயன் படத்தைத் தொடர்ந்து தனுஷ் `நிலவுக்கு என்மேல் என்னடி கோபம்' என்ற படத்தை இயக்கியுள்ளார். இதைத் தொடர்ந்து நடிகர் தனுஷ் இயக்கும் நான்காவது படமாக இட்லி கடை திரைப்படம் உருவாகி வருகிறது. மேலும், இந்த படத்தில் அவரே முக்கிய கதாபாத்திரத்தில் நடிக்கிறார். இப்படத்தில் நித்யா மேனன் முன்னணி கதாப்பாத்திரத்தில் நடித்துள்ளார்.

இந்த படத்திற்கு ஜிவி பிரகாஷ் குமார் இசையமைக்கிறார். ஒளிப்பதிவு பணிகளை கிரன் கௌஷிக் மேற்கொள்ள படத்தொகுப்பு பணிகளை பிரசன்னா ஜிகே மேற்கொள்கிறார். இந்த படத்தை டான் பிக்சர்ஸ் சார்பில் ஆகாஷ் பாஸ்கரன் மற்றும் தனுஷ் இணைந்து தயாரித்துள்ளனர்.

இந்நிலையில் படத்தின் முக்கிய அறிவிப்பை நாளை காலை 11 மணிக்கு அறிவிக்கவுள்ளதாக போஸ்டர் வெளியிட்டு படக்குழு அறிவித்துள்ளது. இது ரிலீஸ் தேதிக்குறித்த தகவலாக இருக்கும் என எதிர்ப்பார்க்கப்படுகிறது.

போஸ்டரில் சங்கராபுரம் என்ற பெயர் பலகையுடன் ஒரு சிகப்பு நிற பேருந்து இடம்பெற்றுள்ளது.