சிறுத்தை சிவா இயக்கத்தில் சூர்யா நடிப்பில் ரிலீசுக்கு தயாராக உள்ள படம் கங்குவா. வரும் 14 ஆம் தேதி படம் திரையரங்குகளில் வெளியாக உள்ளது. இந்த படத்தில் சூர்யாவுடன் பாபி தியோல், திஷா பதானி, மற்றும் பலர் முன்னணி கதாபாத்திரத்தில் நடித்துள்ளனர். படத்துக்கு தேவி ஸ்ரீ பிரசாத் இசையமைத்துள்ளார். படகிற்கு ப்ரோமோஷன் பணிகள் தீவிரமாக நடந்து வருகிறது.

புதுடெல்லி, மும்பை, ஐதராபாத் என ப்ரோமோஷன் வெய்யிடாக நடந்து வரும் நிலையில் கேரள மாநிலம் கொச்சியில் வைத்து நடந்த ப்ரோமோஷன் நிகழ்ச்சியில் சூர்யா பங்கேற்றுள்ளார். கேரள சூர்யா ரசிகர்கள் பலர் நிகழ்ச்சியில் பங்கேற்றனர்.

அவ்வளவு கூட்டத்தை எதிர்பார்க்காத சூர்யா, "என்ன இது? இத்தனை பேரா? என் வாழ்க்கையில் இதை மறக்கவே மாட்டேன். அன்புதான் கடவுள் என படித்திருக்கிறேன். இதுதான் அன்பு. நீங்கள்தான் கடவுள். இவ்வளவு கூட்டம் கிடைத்திருப்பதை வரமாக பார்க்கிறேன். 2.5 ஆண்டுகள் கழித்து கங்குவா வெளியாகவுள்ளது. இந்த படம் நெருப்பு மாதிரி இருக்கும் என்று தெரிந்தார்.

தொடர்ந்து பேசிய அவர், எனது சின்னத்தம்பி துல்கரின் லக்கி பாஸ்கர் படம் நன்றாக ஓடிக் கொண்டிருக்கிறது என்று கேள்விப்பட்டேன். யாரும் பார்க்கவில்லை என்றால் அந்த படத்தையும் பாருங்கள் என்று ரசிகர்களை கேட்டுக்கொண்டார். மேலும் நிகழ்ச்சியில் வாரணம் ஆயிரம் படத்தின் அஞ்சல பாடலுக்கு ரசிகர்களுடன் நடனமாடினார். துல்கர் சல்மான் நடிப்பில் அக்டோபர் 31 ஆம் தேதி லக்கி பாஸ்கர் படம் வெளியாகி ரசிகர்களிடம் நல்ல வரவேற்பை பெற்று வருவது குறிப்பிடத்தக்கது.