நடிகை சமந்தா சமூக வலைத்தளத்தில் ரசிகர்களுடன் கலந்துரையாடினார். அப்போது ஒரு ரசிகர் சமந்தாவிடம் உங்கள் உடல் எடையை கொஞ்சம் கூட்டுங்கள் மேடம் என்று கூறினார். இப்படி அவர் சொன்னது சமந்தாவை எரிச்சலூட்டியதால் அந்த ரசிகரை சமந்தா சாடினார்.

ரசிகருக்கு பதில் அளித்து சமந்தா கூறும்போது, "மீண்டும் மீண்டும் எனது எடை குறித்து கேள்வி எழுப்புகின்றனர். எனது உடல் எடை எப்படி இருக்க வேண்டும் என்று எனக்கு தெரியும்.

தற்போது நான் அழற்சி எதிர்ப்பு உணவுகளை எடுத்து வருகிறேன். அதனால் எனது உடல் எடை இருக்க வேண்டிய அளவில் இருக்கிறது. எனது ஆரோக்கிய நிலைமைகள் காரணமாக நான் இப்படித்தான் இருக்க வேண்டும்.

தயவு செய்து மற்றவர்கள் பற்றி மதிப்பிடுவதை நிறுத்துங்கள். அடுத்தவர்களை வாழவிடுங்கள்'' என்றார்.

சமந்தா தற்போது சிட்டாடல் ஹனி பன்னி வெப் தொடரில் நடித்துள்ளார். மேலும் சில படங்களில் நடிக்க ஒப்பந்தமாகி உள்ளார்.