விஜய் மற்றும் இயக்குநர் வெங்கட் பிரபு கூட்டணியில் உருவாகியுள்ள தி கோட் (தி கிரேட்டஸ்ட் ஆஃப் ஆல் டைம்) திரைப்படம் நாளை (செப்டம்பர் 5) வெளியாகவுள்ளது.

இதனையொட்டி, இன்று மாலை 6 மணிக்கு ரிலீஸ் ப்ரோமோ வீடியோவை தி கோட் படக்குழு வெளியிட்டுள்ளது.

இந்நிலையில், விஜயின் நண்பரும் நடிகருமான ஸ்ரீமன் வீடியோ வெளியிட்டு கோட் படத்திற்கு வாழ்த்து தெரிவித்துள்ளார்.

அந்த வீடியோவில், விஜய் நடித்துள்ள THE GOAT திரைப்படம் மிகப்பெரிய வெற்றி அடையும். சில விஷயங்களை நம்பிக்கையோடு சொல்வது போல, இந்தப்படம் மாபெரும் சூப்பர்ஹிட் படமாக இருக்குமென உள்ளுணர்வு சொல்கிறது. நான் இந்தப் படத்தில் நடிக்கல, ஆனாலும் இந்த படம் மிகப்பெரிய வெற்றியடையும் என்ற நம்பிக்கை இருக்கு" என்று பேசியுள்ளார்.