நாக் அஷ்வின் இயக்கத்தில் கல்கி 2898 ஏ.டி திரைப்படத்தில் பிரபாஸ் நடித்து இருந்தார். இப்படம் உலகம் முழுவது உள்ள மக்களின் பாராட்டை பெற்றது. இப்படத்தில் அமிதாப் பச்சன், தீபிகா படுகோன், கமல்ஹாசன், அன்னா பென் மற்றும் பலர் நடித்து இருந்தனர்.

அடுத்ததாக பிரபாஸ் புதிய படத்தில் கமிட் ஆகியுள்ளார். இப்படத்தை ஹனு ராகவபுடி இயக்கவுள்ளார். இதற்குமுன் ஹனு ராகவபுடி மிகப்பெரிய வெற்றி திரைப்படமான துல்கர் சல்மான் மற்றும் மிருணாள் தாகுர் நடித்த சீதா ராமம் திரைப்படத்தை இயக்கியவராவார்.

படத்தின் பூஜை விழா இன்று ஐதராபாத்தில் நடைப்பெற்றது. இப்படத்திற்கு பிரபல தயாரிப்பு நிறுவனமான மைத்திரி மூவீ மேக்கர்ஸ் தயாரிக்கவுள்ளனர். படத்தின் தலைப்பு ஃபாஜி என இருக்கலாம் என தகவல் பரவி வருகின்றது. திரைப்படம் ஒரு பீரியாடிக் டிராமா கதைக்களத்தில் உருவாகவுள்ளது.

இந்த பூஜை விழாவில் எடுக்கப்பட்ட புகைப்படங்கள் இணையத்தில் வைரலாகி வருகிறது. விழாவில் இயக்குனர் பிரசாந்த நீல், இமான்வி, மிதுன் கலந்துக் கொண்டனர்.