கடந்த வாரம் பெலியத்தை பகுதியில் ஐவர் சுட்டுக் கொலைசெய்யப்பட்ட சம்பவம் தொடர்பில் மேலும் மூவர் கைதுசெய்யப்பட்டுள்ளனர்.

நீர்கொழும்பு, அலவ்வ மற்றும் புஸ்ஸ ஆகிய பகுதிகளை சேர்ந்த 28, 42 மற்றும் 58 வயதான நபர்களே இவ்வாறு கைது செய்யப்பட்டுள்ளனர்.

படுகொலைக்குப் பயன்படுத்தப்பட்ட T-56 துப்பாக்கிகளை அப்புறப்படுத்தியமை மற்றும் குற்றச் செயல்களின் போது பணப் பரிவர்த்தனைகளை மேற்கொண்டமை ஆகிய குற்றச்சாட்டுக்களிலேயே குறித்த மூவரும் கைதுசெய்யப்பட்டுள்ளனர் எனத் தெரிவிக்கப்படுகின்றது.

இந்நிலையில் இது தொடர்பான மேலதிக விசாரணைகளை பெலியத்தை பொலிஸார் முன்னெடுத்து வருகின்றனர்.