பலத்த காற்று காரணமாக ரொறன்ரோவில் தரையிறங்கும் போது ஏர் கனடா ஜெட் விமானம் கடுமையான ஆட்டம் கண்டது. இந்த சம்பவத்தின் வீடியோ காட்சிகள் வெளியாகி அதிர்ச்சியை ஏற்படுத்தியுள்ளது. கனடாவின் ஒன்ராறியோவில் உள்ள ரொறன்ரோ பியர்சன் விமான நிலையத்தில் திங்கள்கிழமை மாலை பலத்த காற்று வீசியதால் விமானம் அவசரமாக தரையிறக்கப்பட்டது.
  
இந்த சம்பவத்தின் வீடியோவை வேக் டர்புலன்ஸ் ஏவியேஷன் பகிர்ந்துள்ளது. ஏர் கனடா போயிங் 777-300ER விமானம் தரையிறங்குவதற்கு சற்று முன்பு முன்னும் பின்னுமாக நகர்வதை வீடியோ காட்டுகிறது.

விமானத்தின் வலது சக்கரம் முதலில் தரையில் பட்டு குதித்து, மார்புபுரம் இடது சக்கரத்தில் மீண்டும் குதித்து, பின்னர் விமானம் மெதுவாக சமநிலைக்கு வந்தது.

டோக்கியோவின் நரிடா சர்வதேச விமான நிலையத்தில் இருந்து 12 மணி நேர பயணத்திற்கு பிறகு ஓடுபாதையில் அவசரமாக தரையிறங்க வேண்டியிருந்தது.

பலத்த காற்று காரணமாக ரொறன்ரோ பியர்சன் நகரை வந்தடைந்த போது விமானம் கடுமையாக தரையிறங்கியதாக ஏர் கனடா பிரதிநிதி ஒருவர் தெரிவித்தார்.

விமானத்தில் இருந்த 373 பயணிகளில் யாருக்கும் காயம் ஏற்படவில்லை என்று தெரிவிக்கப்பட்டுள்ளது. முன்னெச்சரிக்கையாக போயிங் 777 விமானம் முழு ஆய்வுக்காக தரையிறங்கிய பின்னர் சேவையில் இருந்து நிறுத்தப்பட்டதாக விமான நிறுவனம் கூறியது.