சர்ச்சைக்குரிய ‘கிரிஷ்’ (Krrish) பரிவர்த்தனை தொடர்பான வழக்கில் விளக்கமறியலில் வைக்கப்பட்டிருந்த ஸ்ரீலங்கா பொதுஜன பெரமுவின் (SLPP) நாடாளுமன்ற உறுப்பினர் நாமல் ராஜபக்ஷவை பிணையில் விடுவிக்க கொழும்பு நீதிவான் நீதிமன்றம் இன்று (03) உத்தரவிட்டது.

இருப்பினும், நாமல் ராஜபக்ஷவுக்கு எதிராகத் தொடரப்பட்டுள்ள பிற சட்ட நடவடிக்கைகளில் அவருக்குப் பிணை கிடைக்காததால், அவர் தொடர்ந்து விளக்கமறியலில் இருப்பார்.

அதேநேரம், நாமல் ராஜபக்ஷவுக்கு வெளி நாடு செல்வதற்கும் நீதிமன்றம் பயணத் தடை விதித்துள்ளது.

கொழும்பு கோட்டையில் உள்ள நிலத்தை ‘கிரிஷ்’ நிறுவனத்திற்கு மாற்றிக் கொடுப்பதற்கு உதவியதாகக் கூறி, 100 மில்லியன் ரூபாயைப் இலஞ்சமாகப் பெற்றார் என்ற குற்றச்சாட்டின் பேரிலேயே நாமல் ராஜபக்ஷவுக்கு எதிராக இந்த வழக்குத் தொடரப்பட்டுள்ளது.

குறித்த நிலத்தை அந்த நிறுவனத்திற்கு மாற்றிக் கொடுப்பதற்கு வசதி செய்துகொடுத்ததற்காகவே இந்தத் தொகை இலஞ்சமாகப் பெறப்பட்டதாகக் குற்றம் சாட்டப்பட்டுள்ளது.