கனடாவின் ஒட்டாவா நகரில் மசாஜ் சிகிச்சையாளராகப் பணியாற்றி வந்த நபர் ஒருவர் மீது, கடந்த 2025-ஆம் ஆண்டு இடம்பெற்ற தகாத செயல் தொடர்பில் வழக்குப் பதிவு செய்யப்பட்டு அவர் கைது செய்யப்பட்டுள்ளதாக ஒட்டாவா காவல்துறையினர் தெரிவித்துள்ளனர்.

காவல்துறை வெளியிட்ட அதிகாரப்பூர்வ அறிக்கையின்படி, மேத்யூ மான்சினி என்ற நபர் மீது வியாழக்கிழமை பாலியல் தாக்குதல் குற்றச்சாட்டு சுமத்தப்பட்டுள்ளது.

'புரூக்ஸ்ட்ரீட் ஹோட்டல் ஸ்பா'வில் மசாஜ் சிகிச்சையாளராகப் பணியாற்றியபோது இந்தச் சம்பவத்தில் அவர் ஈடுபட்டதாகக் காவல்துறையினர் தெரிவித்தனர்.

மேலும், அந்த நகரின் பிற நிறுவனங்களிலும் இவர் மசாஜ் சிகிச்சையாளராகப் பணியாற்றியுள்ளதால், இதனால் பாதிக்கப்பட்டவர்கள் இன்னும் பலர் இருக்கலாம் என காவல்துறையினர் சந்தேகிக்கின்றனர்.

இது தொடர்பான தகவல்கள் அல்லது புகார்கள் ஏதேனும் வைத்திருப்போர், ஒட்டாவா காவல்துறையின் பாலியல் தாக்குதல் மற்றும் குழந்தைகள் துஷ்பிரயோகத் தடுப்புப் பிரிவை 613-236-1222 என்ற எண்ணிலோ அல்லது SACA@ottawapolice.ca என்ற மின்னஞ்சல் முகவரி மூலமாகவோ தொடர்பு கொள்ளுமாறு கேட்டுக்கொள்ளப்பட்டுள்ளனர்.

மேலும், ரகசியமாகத் தகவல்களை அளிக்க விரும்புவோர் 'க்ரைம் ஸ்டாப்பர்ஸ்' அமைப்பை 1-800-222-8477 என்ற இலவச தொலைபேசி எண்ணில் தொடர்பு கொள்ளலாம் எனவும் தெரிவிக்கப்பட்டுள்ளது.