தொழிலதிபர் தம்மிக பெரேரா முதலீட்டுத் திட்டங்களை ஊக்குவிப்பதாகத் தவறாகச் சித்தரிக்கும், செயற்கை நுண்ணறிவு மூலம் உருவாக்கப்பட்ட போலி காணொளிகள் சமூக ஊடகங்களில் பரவி வருவது குறித்து அவரது அலுவலகம் எச்சரிக்கை விடுத்துள்ளது.

ஒரு அதிகாரபூர்வ அறிவிப்பில், அந்த காணொளிகளுடனோ, முதலீட்டுத் தளங்களுடனோ அல்லது அவற்றில் இடம்பெற்றுள்ள கூற்றுகளுடனோ தனக்கு எந்தத் தொடர்பும் இல்லை என்று பெரேராவின் அலுவலகம் தெளிவுபடுத்தியுள்ளது.

பொதுமக்களை தவறாக வழிநடத்தும் தீங்கிழைக்கும் முயற்சிகள் என்று அந்தக் காணொளிகளை குறித்த அறிக்கை விவரித்துள்ளது.

இத்தகைய உள்ளடக்கங்களை சம்பந்தப்பட்ட சமூக ஊடகத் தளங்களுக்கோ, report@cert.gov.lk என்ற முகவரியில் உள்ள இலங்கை CERTக்கோ அல்லது சட்ட அமலாக்க அதிகாரிகளுக்கோ புகாரளிக்குமாறு பொதுமக்களுக்கு அறிவுறுத்தல் வழங்கப்பட்டுள்ளது. 

மேலும், நம்பகமான தகவல்களுக்குத் தனது அதிகாரப்பூர்வ சமூக ஊடகக் கணக்குகளையே நம்புமாறு தொழிலதிபர் தம்மிக பெரேராவின் அலுவலகம் பொதுமக்களுக்கு அறிவுறுத்தியுள்ளது.