மாறுவேடத்தில் வந்து
தாயத்து விற்பார்
மகாதேவியில் எம்.ஜி.ஆர்

ஒரு குடிமகன் கேட்பான்:

“ஏப்பா! பணவருமானத்துக்கு
ஏதாவது இருக்கா இதுல?”

பட்டுக்கோட்டை வரிகளை
வாங்கிப் பாடுவார் எம்.ஜி.ஆர்

“உடம்ப வளச்சு நல்லா
உழச்சுப் பாரப்பா அதில்
ஒனக்கும் ஒலகத்துக்கும்
நன்மை இருக்கு
சும்மா உக்காந்திருந்துக்கிட்டுச் 
சேக்குற பணத்துக்கு
ஆபத்திருக்கு 
அது ஒனக்கெதுக்கு?”

மனிதர்கள்
நெற்றிப்பொட்டில்
ஒட்டிக்கொள்ள வேண்டும்
பட்டுக்கோட்டையின் இந்தப் 
பாட்டு வரிகளை

1957இல் எழுதப்பட்டது
2157-க்கும் பொருந்தும்

செங்கப்படுத்தான் காட்டுச்
செங்குயிலே!
சினிமாவில் அடித்த
பொன்வெயிலே!

உன்
நினைவுநாள் இன்று
நினைக்காத நாள் என்று?
உன் நூற்றாண்டை
நானெடுப்பேன்
வா வந்து பார் அன்று

வைரமுத்து
@Vairamuthu