வேலைவாய்ப்பு வழங்குவதாகப் பொய்யான வாக்குறுதி அளித்து உஸ்பெகிஸ்தான் நாட்டைச் சேர்ந்த பெண் ஒருவரை இலங்கைக்குக் கடத்தி வந்து, பின்னர் மிரட்டி அவரை விபச்சாரத்தில் ஈடுபட வற்புறுத்திய குற்றத்திற்காக, முச்சக்கர வண்டி சாரதி ஒருவருக்குக் கொழும்பு மேல் நீதிமன்றம் 10 ஆண்டுகள் கடூழியச் சிறைத்தண்டனையும் 10,000 ரூபாய் அபராதமும் விதித்துள்ளது.

மேல் நீதிமன்ற நீதிபதி லங்கா ஜெயரத்ன தீர்ப்பை வழங்கினார்.

விபச்சாரத்திற்காக ஒரு பெண்ணை ஏற்பாடு செய்வது தொடர்பான தண்டனைச் சட்டத்தின் பிரிவு 360(A)(1)-இன் கீழ் சட்டமா அதிபரால் இந்த வழக்கு தொடரப்பட்டது. 

2021 ஜனவரி 1 அன்று கொழும்பில் உள்ள ஒரு ஹோட்டலில் சுரண்டலுக்கு உள்ளாக்கப்பட்ட உஸ்பெகிஸ்தான் நாட்டைச் சேர்ந்த ஒக்ஸானா கார்போவா (Oksana Karpova) தொடர்பான ஆள் கடத்தல் விவகாரம் இதுவாகும்.