செப்டம்பர் மாதத்தின் முதல் 20 நாட்களில் 107,093 சுற்றுலாப் பயணிகள் இலங்கைக்கு வருகை தந்துள்ளதாக இலங்கை சுற்றுலா அபிவிருத்தி அதிகாரசபை தெரிவித்துள்ளது.

வெளியிடப்பட்ட சமீபத்திய தரவுகளின்படி, இக்காலகட்டத்தில் இந்தியாவிலிருந்து 32,536 சுற்றுலாப் பயணிகள் வருகை தந்துள்ளனர், இது மொத்த வருகையில் 30% ஆகும்.

அதேபோல், இக்காலகட்டத்தில் ஐக்கிய ராச்சியத்திலிருந்து 7,906 பேரும், அவுஸ்திரேலியாவிலிருந்து 7,393 பேரும் இலங்கைக்கு வருகை தந்துள்ளனர்.

மேலும், ஜனவரி 01 முதல் செப்டம்பர் 20, 2026 வரையிலான மொத்த சுற்றுலாப் பயணிகளின் வருகை 1,642,215 என அறிவிக்கப்பட்டுள்ளது.

இவர்களில், இந்தியாவிலிருந்து 418,019 சுற்றுலாப் பயணிகளும், ஐக்கிய ராச்சியத்திலிருந்து 157,895 பேரும் வருகை தந்துள்ளனர் என அந்த அதிகாரசபை தெரிவித்துள்ளது.