கனடாவின் பிரிட்டிஷ் கொலம்பியா மாகாணத்தில் உள்ள குட்டனேஸ் பிராந்தியத்தில் வியாழக்கிழமை அதிகாலை லேசான நிலநடுக்கம் ஏற்பட்டது.

வியாழக்கிழமை அதிகாலை 5:31 மணிக்கு, நெல்சன் நகரத்திற்கு வடகிழக்கே சுமார் 40 கிலோமீட்டர் தொலைவில் உள்ள கிராஃபோர்ட் பே சமூகம் அருகே, பூமிக்கு அடியில் 4 கிலோமீட்டர் ஆழத்தில் நிலநடுக்கம் மையம் கொண்டிருந்தது.

இந்நிலநடுக்கத்தின் அளவை 'எர்த்குவிக்ஸ் கனடா' அமைப்பு முதலில் ரிக்டர் அளவில் 4.4 ஆகப் பதிவு செய்து, பின்னர் 3.7 ஆகக் குறைத்து திருத்தியது.

எனினும், அமெரிக்க புவியியல் ஆய்வு மையம் இதனை 4.2 ரிக்டர் அளவாகப் பதிவு செய்துள்ளது. இந்த அதிர்வுகள் கிரான்புரூக், நெல்சன், காஸ்டில்கர், டிரெயில், கிரெஸ்டன் மற்றும் ஸ்லோகன் வேலி உள்ளிட்ட பல பகுதிகளிலும் உணரப்பட்டதாகப் பொதுமக்கள் தெரிவித்தனர்.

இந்த நிலநடுக்கத்தால் கட்டிடப் பாதிப்புகளோ அல்லது பிற சேதங்களோ ஏற்பட்டதாக எந்தத் தகவலும் இல்லை என்று பிரிட்டிஷ் கொலம்பியாவின் அவசரகால மேலாண்மை அலுவலகம் தெரிவித்துள்ளது.