கனடாவில் ஹாரியுடன் நிகழ்வில் கலந்துகொண்ட மேகன் மார்க்கல், மறைந்த இளவரசி டயானாவின் வைரம் மற்றும் நீலக்கல் காதணிகளை அணிந்திருந்ததாக புகைப்படம் எடுக்கப்பட்டார்.

பிரிட்டிஷ் கொலம்பியாவில் நடைபெற்ற விழாவில் கணவர் ஹரியுடன் கலந்துகொண்ட மேகன் மார்க்கல், மறைந்த இளவரசி டயானாவின் அணிகலன்களை அணிந்திருந்த புகைப்படம் வெளியாகியுள்ளது.

கனடாவின் பிரிட்டிஷ் கொலம்பியாவில் இசைத்துறையில் ஜாம்பவானான டேவிட் ஃபாஸ்டரின் அறக்கட்டளையின் 40-வது ஆண்டு விழாக் கொண்டாட்டம் நடந்தது. அதில் இளவரசர் ஹரி மற்றும் மேகன் மார்க்கல் இருவரும் ஜோடியாக கலந்துகொண்டனர். 

இந்தத் தம்பதியினர் டேவிட் ஃபாஸ்டர் மற்றும் அவரது மனைவி கேத்தரின் மெக்ஃபீ ஆகியோருடன் புகைப்படம் எடுத்துக்கொண்டனர்.

ஹரி, மேகன் இருவரும் டேவிட் மற்றும் கேத்தரினின் நீண்டகால நண்பர்கள் ஆவர். அப்போது மேகன் மார்க்கல், மறைந்த தனது மாமியார் இளவரசி டயானாவிற்கு அஞ்சலி செலுத்தும் விதமாக, அவரது வைரம் மற்றும் நீலக்கல் காதணிகளை அணிந்திருந்தார்.

மேகனின் கூந்தல் கொண்டையாகப் பின்னி விடப்பட்டிருந்ததால், அவர் அணிந்திருந்த காதணிகள் தனித்து தெரிந்தன. 

இளவரசி மேகன் மார்க்கல், மறைந்த டயானாவின் தனிப்பட்ட சேகரிப்பில் இருந்து பல நகைகளை வைத்திருக்கிறார்.