தனது கைது மற்றும் தடுப்புக்காவலைத் தடுக்கும் உத்தரவு கோரி முன்னாள் ஜனாதிபதி கோட்டாபய ராஜபக்ஷ தாக்கல் செய்த ரிட் மனு மீதான மேலதிக பரிசீலனை இன்று (23) நடைபெற உள்ளது.

அதன்படி, மனு மீதான விசாரணையைக் காண்பதற்காக முன்னாள் ஜனாதிபதி கோட்டாபய ராஜபக்ஷ சற்று நேரத்திற்கு முன்பு மேல்முறையீட்டு நீதிமன்றத்தில் ஆஜரானார்.

9ஆம் திகதியன்று , மேல்முறையீட்டு நீதிமன்றத்தின் தலைவர், நீதிபதி ரொஹந்த அபேசூரிய மற்றும் நீதிபதி சரத் திசாநாயக்க ஆகியோர் அடங்கிய மேல்முறையீட்டு நீதிமன்ற அமர்வு, மனுவை நான்காவது நாளாகப் பரிசீலித்து, அதை இன்று வரை ஒத்திவைத்தது.

குற்றப் புலனாய்வுத் திணைக்களத்தின் பணிப்பாளர் ஷானி அபேசேகர மற்றும் இவ்விவகாரத்தில் பிரதிவாதிகளாகப் பெயரிடப்பட்ட ஏனைய குழுவினருக்காக ஆஜரான பிரதி சொலிசிட்டர் நாயகம் சுஹர்ஷி ஹெரத், ஷானி அபேசேகர தீய எண்ணத்துடன் செயல்பட்டார் என்பதை நிரூபிக்க மனுதாரர் எந்த ஆதாரத்தையும் சமர்ப்பிக்கவில்லை என்று நீதிமன்றத்தில் தெரிவித்தார்.