2026 ஏப்ரல் மாதத்தில் இலங்கை தனது வரலாற்றிலேயே மிக உயர்ந்த மாதாந்திர ஏற்றுமதி வருவாயைப் பதிவுசெய்தது. 

அதன்படி, அந்த மாதத்தில் நாட்டின் ஏற்றுமதி வருவாய் 1.38 பில்லியன் அமெரிக்க டொலர்களாக உயர்ந்து, ஆண்டுக்கு ஆண்டு வளர்ச்சியைப் பதிவு செய்ததாக இலங்கை ஏற்றுமதி அபிவிருத்தி சபை (EDB)தெரிவித்துள்ளது.

இந்தச் சாதனை, நாட்டின் பொருளாதார வளர்ச்சிக்குத் தொடர்ந்து ஆதரவளிக்கும் அதே வேளையில், வெளிப்புற சவால்களை எதிர்கொள்வதில் இலங்கை ஏற்றுமதியாளர்களின் மீள்திறனைப் பிரதிபலிக்கிறது என்று EDB தலைவரும் தலைமை நிர்வாக அதிகாரியுமான மங்கள விஜேசிங்க குறிப்பிட்டார்.

பல்வேறு முக்கிய ஏற்றுமதித் துறைகளின் வலுவான செயல்பாடுகளால், 2026 ஏப்ரல் மாதத்தில் சரக்கு ஏற்றுமதி கடந்த ஆண்டுடன் ஒப்பிடுகையில் 9.8% அதிகரித்து, 1,063.77 மில்லியன் அமெரிக்க டொலர்களாக உயர்ந்துள்ளது.

இதற்கிடையில், இந்த மாதத்தில் சேவை ஏற்றுமதி மூலம் கிடைத்த வருவாய் 317 மில்லியன் அமெரிக்க டொலர்களாக மதிப்பிடப்பட்டுள்ளது.

இது சாதனை அளவிலான ஏற்றுமதி செயல்திறனுக்கு மேலும் பங்களித்துள்ளது.

2025-ஆம் ஆண்டின் இதே காலகட்டத்துடன் ஒப்பிடுகையில், 2026ஜனவரி முதல் ஏப்ரல் வரையிலான காலகட்டத்திற்கான மொத்த ஏற்றுமதி 4.3% வளர்ச்சியைப் பிரதிபலிக்கும் வகையில், 5,784.38 மில்லியன் அமெரிக்க டொலர்களாக மதிப்பிடப்பட்டுள்ளது என்றும் அதிகாரிகள் குறிப்பிட்டனர்.