இலங்கையின் சுற்றுலா வருவாயில் சரிவு

இலங்கை

2026 ஏப்ரல் மாதத்திற்கான மொத்த சுற்றுலா வருவாய் 157.1 மில்லியன் அமெரிக்க டொலர்களாக பதிவு செய்யப்பட்டுள்ளதாக இலங்கை மத்திய வங்கி (CBSL) தெரிவித்துள்ளது.

எனினும், 2025 ஏப்ரல் மாதத்தில் சுற்றுலா வருவாய் 256.7 மில்லியன் அமெரிக்க டொலராக இருந்தது.

அந்தக் காலக்கட்டத்துடன் ஒப்பிடுகையில் இது 38.8% சரிவைக் காட்டுகிறது.

இலங்கை சுற்றுலா அபிவிருத்தி அதிகார சபையின் புள்ளிவிவரங்களின்படி, 2026 ஏப்ரல் மாதத்தில் 135,643 வெளிநாட்டு சுற்றுலாப் பயணிகள் இலங்கைக்கு வருகை தந்திருந்தனர்.

ஜனவரி 2025-ல் 174,608 வெளிநாட்டு சுற்றுலாப் பயணிகளின் வருகையால் 256.7 மில்லியன் அமெரிக்க டொலர் வருவாய் ஈட்டப்பட்டது.

2026 ஆம் ஆண்டு ஜனவரி முதல் ஏப்ரல் வரையிலான காலகட்டத்தில், மொத்தம் 876,277 வெளிநாட்டு சுற்றுலாப் பயணிகள் இலங்கைக்கு வருகை தந்ததன் மூலம் 1,111 மில்லியன் அமெரிக்க டொலர் மொத்த சுற்றுலா வருவாய் ஈட்டப்பட்டுள்ளது.

2025 ஆம் ஆண்டின் இதே காலகட்டத்துடன் ஒப்பிடுகையில், 896,884 சுற்றுலாப் பயணிகள் நாட்டிற்கு வருகை தந்து 1,379 மில்லியன் அமெரிக்க டொலர் வருவாயைப் பெற்றிருந்த நிலையில், சுற்றுலாப் பயணிகளின் வருகை 2.3% சரிவையும், சுற்றுலா வருவாய் 19.4% சரிவையும் பதிவு செய்துள்ளது.