2026 தமிழக சட்டமன்றத் தேர்தலில் அமோக வெற்றியை பதிவு செய்தமைக்காக நடிகரும், தமிழக வெற்றிக் கழகத்தின் தலைவருமான ஜோசப் விஜய்க்கு ஸ்ரீலங்கா பொதுஜன பெரமுனவின் நாடாளுமன்ற உறுப்பினர் நாமல் ராஜபக்ஷ வாழ்த்துக்களையும் பாராட்டுக்களையும் தெரிவித்துள்ளார்.

இது குறித்து எக்ஸில் பதிவிட்டுள்ள அவர்,

மாண்புமிகு சி. ஜோசப் விஜய் அவர்களுக்கு இந்த மகத்தான வெற்றிக்கு என் வாழ்த்துக்கள்.

உண்மையான பணி இப்போதுதான் தொடங்குகிறது. 

வரவிருக்கும் சவால்களை வென்று, மக்களுக்கு அர்த்தமுள்ள நன்மைகளை வழங்குவதற்கான வலிமையும் உறுதியும் கிடைக்க உங்களுக்கும் உங்கள் குழுவினருக்கும் எனது வாழ்த்துக்கள்.

மேலும், இரு நாட்டு மக்களையும் பாதிக்கும் விடயங்களில் இலங்கையுடன் ஒரு வலுவான மற்றும் நேர்மறையான உறவு உருவாகும் என்றும் நான் நம்புகிறேன் – என்று கூறியுள்ளார்.

தமிழக வெற்றிக் கழகம் (TVK) தமிழக சட்டமன்றத் தேர்தலில் 108 இடங்களைக் கைப்பற்றி, இரண்டு திராவிடக் கட்சிகளையும் தோற்கடித்து தமிழகத்தில் வரலாறு படைத்து, பெரும் பரபரப்பை ஏற்படுத்தியுள்ளமையும் குறிப்பிடத்தக்கது.