தமிழகத்தில் திராவிட அரசியலில் இருந்து வரலாற்றுச் சிறப்புமிக்க ஒரு மாற்றமாக, அரசியலில் முற்றிலும் புதிய முகமான நடிகர் ஜோசப் விஜய்யின் தமிழக வெற்றி கழகத்திற்கு (TVK) தமிழ்நாடு மக்கள் பெருவாரியாக வாக்களித்துள்ளனர்.

234 இடங்களைக் கொண்ட சட்டமன்றத்திற்கான தேர்தல் கடந்த ஏப்ரல் 23 அன்று ஒரே கட்டமாக நடைபெற்றது.

இதில் 4.8 கோடி வாக்குகள் பதிவாகி, மொத்த வாக்குப்பதிவு 85.1% ஆக இருந்தது.

மாநிலம் முழுவதும் உள்ள 75,064 வாக்குச்சாவடிகளில் இருந்தும் தபால் வாக்குகள் உள்ளிட்ட வாக்குகளின் எண்ணிக்கை, 62 பிரத்யேக வாக்கு எண்ணும் மையங்களில் நடைபெற்று வருகிறது.

சுமார் 1.25 லட்சம் பாதுகாப்புப் பணியாளர்கள் பணியில் ஈடுபடுத்தப்பட்டுள்ளனர்.

உள்ளூர் நேரப்படி இன்று மாலை 4.00 மணி நிலவரப்படி, தமிழக வெற்றிக் கழகம் 106 இடங்களிலும், அதிமுக 55 இடங்களிலும், திமுக 72 இடங்களிலும் முன்னிலை வகித்தன.

அதேநேரம், பாரதிய ஜனதா கட்சி 2026 மேற்கு வங்க சட்டமன்றத் தேர்தலில் வரலாற்றில் முதல் முறையாக ஒரு மைல்கல் வெற்றியைப் பதிவு செய்துள்ளது.

இதன் மூலம், முதலமைச்சர் மம்தா பானர்ஜியின் 15 ஆண்டுகால ஆட்சி முடிவுக்கு வந்ததுடன், திரிணாமூல் காங்கிரஸின் கோட்டையும் தகர்க்கப்பட்டுள்ளது.

உள்ளூர் நேரப்படி இன்று மாலை 4.00 மணி நிலவரப்படி, மொத்தமுள்ள 294 இடங்களில் பாஜக 195 இடங்களில் கணிசமான முன்னிலை வகிக்கிறது.

மறுபுறம், திரிணாமூல் காங்கிரஸ் 92 இடங்களில் முன்னிலை வகிக்கிறது.

இதேவேளை, கேரளாவில் ஏப்ரல் 9 அன்று நடைபெற்ற சட்டமன்றத் தேர்தலுக்கான வாக்கு எண்ணிக்கை, மாநிலம் முழுவதும் 43 இடங்களில் நிறுவப்பட்டுள்ள 140 மையங்களில் இன்று காலை 8:00 மணிக்குத் தொடங்கியது.

பல தொகுதிகளில் வாக்கு எண்ணிக்கை இறுதிக்கட்டத்தை எட்டியுள்ள நிலையில், கேரள சட்டமன்றத் தேர்தலில் காங்கிரஸ் தலைமையிலான ஐக்கிய ஜனநாயக முன்னணி (UDF) தனது மிகப்பெரிய முன்னிலையைத் தக்கவைத்துக் கொண்டுள்ளது.