உலகச் சந்தையில் கச்சா எண்ணெய் விலை கடந்த இரண்டு வாரங்களில் இல்லாத அளவிற்கு இன்று பெரும் சரிவைச் சந்தித்துள்ளது.

அமெரிக்கா மற்றும் ஈரான் நாடுகளுக்கு இடையே நிலவி வந்த அணுசக்தி தொடர்பான மோதல்கள் குறையக்கூடும் என்ற நம்பிக்கையே இந்த விலை வீழ்ச்சிக்கு முக்கியக் காரணமாகப் பார்க்கப்படுகிறது.

ஜெனீவாவில் நடைபெற்ற இரண்டாம் கட்ட மறைமுகப் பேச்சுவார்த்தையில், அணுசக்தி விவகாரம் தொடர்பான முக்கிய "வழிகாட்டும் கொள்கைகளில்" இரு நாடுகளும் ஒரு புரிதலுக்கு வந்துள்ளதாக ஈரானிய வெளியுறவு அமைச்சர் அப்பாஸ் அரக்ச்சி தெரிவித்துள்ளார்.

இந்த அறிவிப்பைத் தொடர்ந்து, பிரெண்ட் (Brent) கச்சா எண்ணெயின் விலை 1.8% குறைந்து 67.42 டொலராகவும், அமெரிக்காவின் WTI கச்சா எண்ணெயின் விலை 0.9% குறைந்து 62.33 டொலராகவும் சரிந்தது. இது பிப்ரவரி மாதத் தொடக்கத்திற்குப் பிறகு பதிவான மிகக் குறைந்த விலையாகும்.