கனடாவின் ஒன்டாரியோ மாகாணம் கேலிடன் பகுதியில் ஏற்பட்ட கடுமையான இரு வாகனங்கள் மோதிய விபத்தில், ஒரு ஓட்டுநர் உயிரிழந்தார் மற்றொருவர் மருத்துவமனையில் அனுமதிக்கப்பட்டுள்ளார்.

ஒன்டாரியோ மாகாண பொலிஸார் இந்த தகவல்களை வெளியிட்டுள்ளனர்.

இந்த விபத்து ஹைவே 9-இல், ஹைவே 50 மற்றும் டாட்டன்ஹாம் ரோடு (Tottenham Road) இடையிலான பகுதியில் நடைபெற்றுள்ளது.

சம்பவ இடத்திலேயே ஒரு ஓட்டுநர் உயிரிழந்ததாக, தெரிவிக்கப்படுகின்றது.

மற்றொரு ஓட்டுநர் சிறிய காயங்களுடன் அருகிலுள்ள மருத்துவமனைக்கு கொண்டு செல்லப்பட்டுள்ளதாக தெரிவிக்கப்படுகின்றது.

விபத்து தொடர்பான விசாரணை காரணமாக, ஹைவே 9 பல மணி நேரங்கள் மூடப்பட்டிருந்தது.

விசாரணை முடிந்த பின்னர், தற்போது அந்தச் சாலை மீண்டும் போக்குவரத்துக்கு திறக்கப்பட்டுள்ளது என பொலிஸார் தெரிவித்துள்ளனர்.