இங்கிலாந்தில் முதன்முறையாக சிசேரியன் முறை மூலம் நடைபெறும் பிரசவங்கள் எண்ணிக்கை இயற்கையான முறையில் நிகழும் பிறப்புகளையும் விஞ்சியுள்ளதாக தேசிய சுகாதார சேவை தரவுகள் வெளிப்படுத்தியுள்ளன.

கடந்த ஆண்டு இங்கிலாந்தில் 45% பிறப்புகள் சிசேரியன் முறை மூலமாகவும், 44% பிறப்புகள் எந்த அறுவை சிகிச்சையும் இல்லாமல் இயற்கை முறையிலும், 11% பிறப்புகள் மருத்துவ கருவிகளின் உதவியுடன் நிகழ்ந்துள்ளதாக செவ்வாயன்று வெளியிடப்பட்ட தரவுகள் சுட்டிக்காட்டுகின்றன.

30 வயதுக்குட்பட்ட பெண்களுக்கு, இயற்கையான பிரசவம் மிகவும் பொதுவான முறையாகும், மேலும் 30 வயது மற்றும் அதற்கு மேற்பட்ட பெண்களுக்கு சிசேரியன் முறையிலான பிரசவம் மிகவும் பொதுவானது.

தேசிய சுகாதார சேவையின் தரவுகளின்படி, இங்கிலாந்தில் 40 வயது மற்றும் அதற்கு மேற்பட்ட பெண்களுக்கு 59 சதவீத பிறப்புகள் சிசேரியன்கள் முறை மூலம் நடந்தன. 

மொத்தத்தில், 2024-25 ஆம் ஆண்டில் 20% பிறப்புகள் திட்டமிடப்பட்ட சிசேரியன்களாகவும், 25.1% பிறப்புகள் அவசர அல்லது திட்டமிடப்படாத சிசேரியன் முறைகளாகவும் இருந்ததாகவும் தெரிவிக்கப்பட்டுள்ளது.