--தனது வாழ்நாளில் நடிகர் திலகம் திரு. சிவாஜி கணேசன் அவர்கள் ஒருமுறை கூட படப்பிடிப்புக்கு தாமதமாக சென்றதே இல்லையாம்...
இது குறித்து
நடிகர் திரு. சிவக்குமார் அவர்கள் கூறுகையில்...
திரு. சிவாஜி கணேசன் அவர்களை விட படப்பிடிப்புக்கு முன்னதாகவே செல்ல வேண்டும் என...
" ராஜ ராஜ சோழன் " படப்பிடிப்புக்கு நான் முன்னதாகவே சென்று காத்திருப்பேன்...
இதனைப் பார்த்து
" நான் காரில் படப்பிடிப்புக்கு வந்தால்
நீ பிளைட்ல வர்றியா...? " எனக் கேட்டு
கிண்டலடிப்பார் என்று நடிகர் திலகத்தின் நேரந்தவறாமை குறித்து
பேட்டி ஒன்றில் பகிர்ந்து கொண்டிருக்கிறார்...
ரஜினியின் " படையப்பா "
கமலின் " தேவர் மகன் "
படங்களில் சிறப்புத் தோற்றத்தில் நடித்திருந்தார் நமது அய்யன்...
ரஜினி கமலுக்கு அடுத்து
நமது அய்யனுடன் இணைந்து நடிக்கும் அதிர்ஷ்டம் ஒன்ஸ்மோர் படத்தின் மூலம்
இளையதளபதி விஜய் அவர்களுக்கு கிடைத்தது...
விஜய், சிம்ரன் நடித்திருந்த
இத்திரைப்படத்தில்
நடிகர் திலகம் , அபிநய சரஸ்வதி
இணைந்து நடித்திருந்தார்கள்...
தேசிய விருது
பத்மபூஷன் விருது

செவாலியர் விருது
தாதா சாகேப் பால்கே விருது
மற்றும் கலைமாமணி விருது
உட்பட ஏராளமான விருதுகளை வாங்கிக் குவித்து தனது அன்னை இல்லத்தின் வரவேற்பு அறையை அலங்கரித்துள்ளார்...
2001 ஆம் ஆண்டு நமது அய்யன் அவர்கள் மண்ணுலகை விட்டுப் பிரிந்து விண்ணுலகம் சென்றபோது தமிழ்நாடே ஸ்தம்பித்தது...
அந்தளவுக்கு தமிழர்களின் வாழ்வில்
தனது நடிப்பால்
இரண்டறக் கலந்து விட்டிருந்தார்
நமது அய்யன் அவர்கள்...
அய்யனின் இறுதி ஊர்வலத்தில்
ஒரு ரசிகர்
" இருந்ததே ஒரு நடிகர்...
இப்போது அவரும் மறைந்து
விட்டாரே " எனக் கூறி கதறி அழுதாராம்...
உண்மை தான்...
அய்யனே...
நீங்கள் தேசத்தை விட்டு மறைந்தாலும்...
எங்கள் நேசத்தை விட்டு மறையவில்லை...!!!  
--வனப்பேச்சி அருணாசலம்