கனடாவில் Rogers போன்று, இலங்கையில் தாம் முதல்தர வலையமைப்பு என்று மார்தட்டி, கொக்கரிக்கும் Dialog தொலைத்தொடர்பு வலையமைப்பு நேற்று (Nov 28) மதியத்தில் இருந்து தொடர்ந்து தற்போதுவரை நாடு முழுவதும் சேவையில் இல்லை.

எம் தமிழர் பலர் Dialog வலையமைப்பின் பாவனையாளர்கள் என்பது இங்கு குறிப்பிடத்தக்கது. இலங்கையில் தற்போது நிலவும் இயற்கை பேரிடரில் உங்கள் உறவுகள் பலரும் சிக்கி இருப்பது உண்மையானதுதான்.. ஆனால் அவர்கள் தொடர்புகள் அற்று இருப்பதால் நீங்கள் அச்சம் கொள்ள வேண்டாம். Dialog வலையமைப்பு மீண்டும் இன்றைய நாளுக்குள் இயங்கும் என நம்புகின்றேன்.

இலங்கை தொலைத்தொடர்புச் சேவையுடன் இணைந்து இயங்கும் Mobitel வலையமைப்பு தற்போது சேவையில் உள்ளது. Hutchம் சில இடங்களில் இயங்குகிறது என அறிய முடிகிறது.

Dialog மற்றும் Airtel இணைந்த சேவை வழங்குனர்கள் என்பதால்.. Airtel பாவையாளர்களும் பாதிக்கப்பட்டுள்ளார்கள் என நம்புகின்றேன்.

*நீங்கள் வெளிநாட்டு செல்லிடத்தொலைபேசி சேவைகளை பாவிப்பவராக இருந்தால்.. தானியக்கமாக Dialog வலையமைப்பே உங்கள் செல்லிடப்பேசியின் சேவை வழங்குனாராக இருக்கும் வாய்ப்பு உள்ளது. அவ்வாறு இருந்தால் நீங்கள் கைமுறையாக உங்கள் வலையமைப்பை சேவை வழங்குனரை Mobitelக்கு மாற்றினால் உங்களுக்குத் தொடர்புகள் கிடைக்கும்.

தகவல்: ஏகலைவன் • வவுனியா, இலங்கை.