ராஜாங்கனை கிரிபாவ பகுதியில் வெள்ளத்தில் சிக்கிய 33 பேரை விமானப்படையினர் மீட்டுள்ளதுடன் புத்தளம் மற்றும் அநுராதபுரம் வீதியில் உள்ள கலா ஓயாவை அண்மித்த பகுதியில் பேருந்தில் சிக்கிய நிலையில் வீடொன்றின் கூரையில் தங்கியிருந்த 67 பயணிகளும் தற்போது வெற்றிகரமாக பாதுகாப்பாக மீட்கப்பட்டுள்ளனர்.

ராஜாங்கனை கிரிபாவ பகுதியில் வெள்ளத்தில் சிக்கிய 33 பேரை விமானப்படையினர் ஹெலிகொப்டர் மூலம் பாதுகாப்பாக மீட்டுள்ளனர்.

இன்று காலை (29) அவர்கள் பாதுகாப்பாக மீட்கப்பட்டுள்ளதாக தெரிவிக்கப்படுகின்றது.

இலங்கை விமானப்படை மீட்பு குழுவினர் எம்ஐ-17 ஹெலிகாப்டர் மூலம் வௌ்ளத்தில் சிக்கியிருந்தவர்கள் அனைவரையும் பாதுகாப்பாக மீட்டதுடன் அவர்கள் அநுராதபுரம் விமானப்படை தளத்திற்கு அழைத்துச் செல்லப்பட்டுள்ளதாக குறிப்பிடப்படுகின்றது.

இதேவேளை, புத்தளம் மற்றும் அநுராதபுரம் வீதியில் உள்ள கலா ஓயாவை அண்மித்த பகுதியில் பேருந்தில் சிக்கிய நிலையில் வீடொன்றின் கூரையில் தங்கியிருந்த 67 பயணிகளும் தற்போது வெற்றிகரமாக பாதுகாப்பாக மீட்கப்பட்டுள்ளனர்.

முப்படையினர் மற்றும் பொலிஸார் இணைந்து மேற்கொண்ட கூட்டு நடவடிக்கையின் மூலம் அவர்கள் மீட்கப்பட்டுள்ளதாகத் தெரிவிக்கப்படுகிறது.

மீட்கப்பட்டவர்களில் ஒரு வெளிநாட்டுப் பெண் ஒருவரும் அடங்குவதாகவும் குறிப்பிடப்பட்டுள்ளது.