இந்திய விமானப்படைக்குச் சொந்தமான இராணுவ விமானம் ஒன்று 12 தொன் நிறையுடைய நிவாரண பொருட்களுடன் கொழும்பு கட்டுநாயக்க விமான நிலையத்தை வந்திறங்கியுள்ளது.

ஒன்பது தொன் நிறையுடைய நிவாரணப் பொருட்கள் கொண்டுவரப்பட்டுள்ள நிலையில் மொத்தமாக 27 தொன் நிறையுடைய நிவாரணப்பொருட்கள் இதுவரை வழங்கப்பட்டுள்ளதாக இந்திய வெளிவிகார அமைச்சர் எஸ்.ஜெயசங்கர் தெரிவித்துள்ளார்.

அனர்த்தத்தினால் பாதிக்கப்பட்ட மக்களுக்காக இந்திய அரசாங்கமும் மற்றும் இந்திய மக்களின் நிவாரணப் பொருட்கள் கொண்டு வரப்பட்டுள்ளன.

இந்த நன்கொடையில் கூடாரங்கள், போர்வைகள், சுகாதாரப் பொருட்கள் மற்றும் உணவுப் பொருட்கள் உட்பட சுமார் 12 டொன் மனிதாபிமான உதவிகள் அடங்குகின்றன.

மேலும், இலங்கை விமானப்படை அந்த நிவாரணப் பொருட்களை உத்தியோகபூர்வமாகப் பொறுப்பேற்றது.
மேலும், போர்வைகள், பாய்கள், நுளம்பு வலைகள், சூரிய சக்தி விளக்குகள், கூடாரங்கள், பெண்களுக்கு அவசியமான பொருட்கள் உள்ளிட்ட 09 டொன் நிவாரணப் பொருட்களுடன் மற்றொரு இந்திய விமானம், இந்திய தேசிய அனர்த்த மீட்புப் படை அதிகாரிகள் குழுவினருடன் இன்று காலை இலங்கை வந்தடைந்தது.