தொடரும் சீரற்ற வானிலையால் கல் ஓயாவின் கீழ் பகுதிகளில் வசிக்கும் மக்களுக்கு நீர்ப்பாசணத் திணைக்களம் சிவப்பு வெள்ள எச்சரிக்கையை விடுத்துள்ளது. 

கல் ஓயா படுக்கையின் மேல் மற்றும் நடுத்தர நீர்ப்பிடிப்புப் பகுதிகளில் பெய்த கனமழையால் அம்பாறை, இங்கினியாகலையில் உள்ள சேனநாயக்க சமுத்திரத்தின் கொள்ளளவு உச்சத்தை எட்டியுள்ளது.

மேலும், கடந்த 24 மணி நேரம் முதல் இப்பகுதியில் பெய்து வரும் கனமழை காரணமாக, சேனநாயக்க சமுத்திரத்தின் கீழ்பகுதியில் உள்ள கல் ஓயாவில் வெள்ளப்பெருக்கு ஏற்படும் அபாயம் உள்ளது.

அதன்படி, கல் ஓயா ஆற்றின் கீழ் பகுதிகளில் வசிக்கும் பொதுமக்களும், இந்தப் பகுதிகள் வழியாக பயணிக்கும் வாகன சாரதிகளும், வெள்ளப்பெருக்கினால் ஏற்படக்கூடிய அபாயங்களைக் குறைக்க தேவையான அனைத்து முன்னெச்சரிக்கை நடவடிக்கைகளையும் எடுக்குமாறு கேட்டுக் கொள்ளப்படுகிறார்கள்.

தமனை, அம்பாறை, இறக்காமம், அட்டாளைச்சேனை, சம்மாந்துறை, நிந்தவூர், காரைதீவு, சாய்ந்தமருது, கல்முனை மற்றும் நாவிதன்வெளி, அத்துடன் இலங்கை தென்கிழக்கு பல்கலைக்கழகம், ஒலுவில் அருகே உள்ள தாழ்வான பகுதிகளுக்கு எச்சரிக்கை விடுக்கப்பட்டுள்ளது.

இது தொடர்பாக பொருத்தமான மற்றும் தேவையான நடவடிக்கைகளை எடுக்குமாறு சம்பந்தப்பட்ட பேரிடர் மேலாண்மை அதிகாரிகளும் கோரிக்கை விடுத்துள்ளனர்.