இங்கிலாந்து இளவரசர் ஹாரி, குழந்தைகளுக்கான விருது வழங்கும் விழாவில் கலந்துகொண்டு, அவர்களுடன் சிரித்துப் பேசியது அனைவரையும் கவர்ந்துள்ளது.

இளவரசர் ஹாரி ‘வெல்சைல்ட்’ (Wellchild) விருது வழங்கும் விழாவில் கலந்துகொண்டார். விழாவில், கடும் நோய்களுடன் போராடும் குழந்தைகளுக்கு விருதுகள் வழங்கப்பட்டன.

இளவரசர் ஹாரி, குழந்தைகளிடம் அன்புடன் உரையாடி, அவர்களைச் சிரிக்க வைத்தார். இளவரசர் ஹாரியின் இந்தச் செயல், பாதிக்கப்பட்ட குழந்தைகளுக்கு ஆறுதலையும், மகிழ்ச்சியையும் அளித்துள்ளது.

அதேவேளை இளவரசர் ஹாரி, தனது அண்ணன் இளவரசர் வில்லியமை சந்திப்பதைத் தவிர்த்ததாகக் கூறப்படுகிறது.

இந்தச் சந்திப்பு ரகசியமாகத் திட்டமிடப்பட்டதாகவும், ஆனால் கடைசி நிமிடத்தில் அது ரத்து செய்யப்பட்டதாகவும் தகவல்கள் கூறுகின்றன.

இந்நிலையில் இங்கிலாந்து அரச குடும்பத்தில் மீண்டும் ஒரு விரிசலை ஏற்படுத்தியிருக்கலாம் என அந்த தகவல்கள் மேலும் கூறுகின்றன.