தங்கள் பிரச்சினைகளுக்கு தீர்வு காணப்படாவிட்டால் 48 மணி நேர அடையாள வேலைநிறுத்தத்தை தொடங்குவோம் என்று ரயில்வே சாரதிகள் சங்கம் தெரிவித்துள்ளது.

2025 ஜூலை 22, அன்று போக்குவரத்து அமைச்சு மற்றும் ரயில்வே திணைக்களத்துக்கு அனுப்பப்பட்ட கடிதம் தொடர்பாக நேர்மறையான பதில் கிடைக்கவில்லை என்றால், ஜூலை 30 மற்றும் 31 ஆகிய திகதிகளில் வேலைநிறுத்தம் நடத்தப்படும் என்று சங்கத்தின் பொதுத் தலைவர் கே.யு. கோந்தசிங்க குறிப்பிட்டுள்ளார்.

குறிப்பாக ரயில் சாரதிகள் சங்கம் எதிர்கொள்ளும் நிர்வாகப் பிரச்சினைகள் மற்றும் உள்கட்டமைப்பு தொடர்பாக, ஒரு தீர்க்கமான தீர்வு காணப்படாவிட்டால், இந்த வேலைநிறுத்தம் தவிர்க்க முடியாமல் மேற்கொள்ளப்படும் என்றும் அவர் எச்சரித்தார்.

இந்த விடயம் தொடர்பில் திருப்திகரமான பதிலை எதிர்பார்ப்பதாகவும், அப்படி ஒரு பதில் கிடைத்தால் மாத்திரம் வேலைநிறுத்தம் தற்காலிகமாக நிறுத்தப்படும் என்றும் அவர் கூறினார்.