பூஸ்ஸ சிறைச்சாலை வளாகத்திற்குள் வீசப்பட்ட எட்டு கையடக்க தொலைபேசிகள் அடங்கிய பொதியொன்றை இன்று (08) அதிகாலை சிறைச்சாலை அதிகாரிகள் மீட்டுள்ளனர்.

பொலிஸ் விசேட அதிரடிப்படை அதிகாரிகள் பணியில் இருந்தபோது, ​​சிறைச்சாலை வளாகத்திற்குள் ஒரு பொருள் வீசப்படுவதைக் கவனித்ததாக சிறைச்சாலை ஆணையாளர் ஜகத் வீரசிங்க தெரிவித்தார்.

குறித்த சோதனை நடவடிக்கையைத் தொடர்ந்து, சிறைச்சாலையின் விசேட பிரிவு பிரிவுக்கு அருகில் கருப்பு பொதியில் 8 கையடக்கதொலைபேசிகளை சிறைச்சாலை அதிகாரிகள் கண்டுபிடித்தனர்.

இச்சம்பவம் குறித்து மேலதிக விசாரணைகளை பூஸ்ஸ சிறைச்சாலை அதிகாரிகள் ஆரம்பித்துள்ளனர்.